Saratani ya matiti na vifo vya wanawake duniani

Dkt Riaz Kasman

Saratani ya matiti inaelezwa kuwa ni moja ya saratani zinazoongoza kwa vifo vingi vya wanawake duniani.

Saratani ya matiti inaelezwa kuwa ni moja ya saratani zinazoongoza kwa vifo vingi vya wanawake duniani. Daktari Riaz Kasman kutoka Kenya anasema wanawake wengi hawafanyi uchunguzi wa mara kwa mara kujua kama wako salama dhidi ya saratani ya matiti.

Saratani ya matiti inaelezwa kuwa ni moja ya saratani zinazoongoza kwa vifo vingi vya wanawake duniani. Daktari kutoka Kenya anasema wanawake wengi hawafanyi uchunguzi wa mara kwa mara kujua kama wako salama dhidi ya saratani ya matiti.

Makala ya Saratani ya Matiti

0:00:00/0:06:50

 Kiungo cha moja kwa moja 

Wizara ya Madini kufanya mnada wa Tanzanite Mirerani

 Mnada huo ni jitihada za Serikali za kudhibiti utoroshwaji wa madini ya Tanzanite nje ya nchi.

Dar es Salaam. Wizara ya Madini kwa mara ya kwanza itafanya mnada wa madini ya Tanzanite kutoka kampuni nne za uchimbaji na biashara ya madini eneo la Mirerani wilayani Simanjiro mkoani Manyara.

Kaimu Kamishna Msaidizi (Uchumi na Biashara ya Madini), Godleader Shoo amesema mnada huo utafanyika Oktoba 15.

Shoo amesema utaratibu wa kufanya mnada huo ni jitihada za Serikali za kudhibiti utoroshwaji wa madini hayo nje ya nchi na pia kuwasaidia wachimbaji kuuza madini yao kwa bei ya ushindani inayoendana na soko la dunia.

Taarifa ya Wizara ya Nishati na Madini imemkariri Shoo akisema mnada huo utashirikisha wanunuzi kutoka ndani na nje ya nchi.

Amesema atakayenunua madini hayo katika mnada ni atakayeshinda bei iliyowekwa.

Amezitaja kampuni zitakazouza madini katika mnada huo kuwa ni TanzaniteOne, Franone, Glitter Germs na Classic Gems. Amesema zitauza madini ghafi na yaliyokatwa.

Shoo amesema mnada utafanyika kwa uwazi kwa kushirikisha wachimbaji, wanunuzi, Shirika la Madini la Taifa (Stamico), vikosi vya ulinzi na usalama, Mamlaka ya Mapato Tanzania (TRA), Halmashauri ya Wilaya ya Simanjiro na Wizara ya Madini.

“Mnada huu utaendeshwa kwa usalama mkubwa kwa kuwa madini ya Tanzanite yana thamani kubwa. Serikali imeimarisha ulinzi ili kujihadhari na watu wasio waaminifu,” amesema Shoo.

Amesema mnada utaiwezesha Serikali kupata mrabaha stahiki na kodi kwa uwazi ili kuchangia pato la Taifa na kuimarisha ulinzi na usalama kwa wauzaji, wanunuzi na mali zao.

Shoo amesema minada kama hiyo pia hufanyika kwa nchi za Afrika zenye madini ya vito kama vile Zambia (emerald), Zimbabwe (almasi) na Afrika Kusini (almasi).

SERIKALI: RASILIMALI ZA BAHARI ZITUMIKE KWA MASILAHI YA WATANZANIA

Serikali  imesema kuwa itahakikisha rasilimali za bahari zinatumika kwa ajili ya watanzania Wote

Hayo aliyasema Waziri, Kilimo, Mifugo na Uvuvi wa Zanzibar, Ahmad Rashid alipofanya ziara ya ukaguzi wa  meli ya  uvuvi  katika bandari ya Zanzibar mapema leo.

Rashid amesema  kuwa rasilimali za baharini zikitumika  ipasavyo zinaweza kuleta maendeleo na kuhakikisha uvuvi unaofanyika katika bahari unafuata taratibu  kwa masilahi ya taifa .

Katika ukaguzi  huo wa meli hiyo Waziri wa Kilimo, Mifugo na Uvuvi wa Zanzibar, Ahmad Rashid pamoja na Naibu Waziri wa Kilimo na Mifugo, Abdallah Ulega wametembelea ofisi za utoaji leseni wa meli za uvuvi  ya  serikali ya mapinduzi Zanzibar .

Amesema sheria iko wazi  kwa hivyo  lazima rasilimali za Tanzania  ikiwemo na bahari iwanufaishe watanzania  wote bila kujali vyama vyao.

Nae Naibu Waziri wa Mifugo na Uvuvia, Abdallah Ulega amesema  serikali zote mbili zitahakikisha rasilimali za bahari  zinatumiwa na watanzania na sio kwa wageni tu. Amesema watasimamia sheria za uvuvi katika kulinda rasilimali za bahari ili ziweze kuleta maendeleo kwa watanzania.

Nae Kaimu Mkurugenzi Mkuu wa Mamlaka ya Bandari Zanzibar, Hosea Mbilinyi  amesema  mamlaka imepiga hatua katika  kuhakisha rasilimali za bahari zinanufaisha Tanzania

 Waziri wa Kilimo, Mifugo na Uvuvi wa Zanzabar, Ahmad Rashid akizungumza katika ukaguzi wa Meli ya Uvuvi ya China katika bandari ya Zanzibar.

 Naibu Waziri wa Mifugo na Uvuvi, Abdallah Ulega akizungumza baada ya ukaguzi wa meli ya uvuvi wa China katika Bandari ya Zanzibar ili kujionea shughuli za uvuvi katika eneo hilo.

 Waziri wa Kilimo, Mifugo na Uvuvi wa Zanzabar, Ahmad Rashid(kulia) na  Naibu Waziri wa Mifugo na Uvuvi, Abdallah Ulega(kushoto) wakiwa wameshika Samaki ambaye amevuliwa na Meli ya Uvuvi yaa China katika Bandari za Zanzibar .

 Wavuvi wakiendelea na kazi.

Muonekano wa Meli ya Uvuvi ya China katika bandari ya Zanzibar. Picha na Emmanuel Massaka, Globu ya jamii.

RAIS DKT MAGUFULI AWASILI ZANZIBAR KWA ZIARA YA SIKU TATU

Rais wa Jamhuri ya Muungano wa Tanzania Dkt John Pombe Magufuli akilakiwa kwa furaha na Makamu wa Pili wa Rais Zanzibar Balozi Seif Ali Iddi mara baada ya kuwasili katika uwanja wa ndege wa Kimataifa wa Abeid Amani Karume tayari wa ziara ya siku tatu visiwani humo ambapo pamoja na mambo mengine atakuwa mgeni rasmi kwenye sherehe za kilele cha mbio za Mwenge wa Uhuru na Siku ya Mwalimu Nyerere..

Rais wa Jamhuri ya Muungano wa Tanzania Dkt John Pombe Magufuli akisalimiana na Mkuu wa Mkoa wa Magharibi Mhe. Ayoub Mohamed Mahmoud Makamu wa Pili wa Rais Zanzibar Balozi Seif Ali Iddi mara baada ya kuwasili katika uwanja wa ndege wa Kimataifa wa Abeid Amani Karume tayari kwa ziara ya siku tatu visiwani humo ambapo pamoja na mambo mengine atakuwa mgeni rasmi kwenye sherehe za kilele cha mbio za Mwenge wa Uhuru na Siku ya Mwalimu Nyerere.

Rais wa Jamhuri ya Muungano wa Tanzania Dkt John Pombe Magufuli na mkewe Mama janet Magufulki wakisalimiana na viongozi mbalimbali baada ya kuwasili katika uwanja wa ndege wa Kimataifa wa Abeid Amani Karume tayari kwa ziara ya siku tatu visiwani humo ambapo pamoja na mambo mengine atakuwa mgeni rasmi kwenye sherehe za kilele cha mbio za Mwenge wa Uhuru na Siku ya Mwalimu Nyerere.

Rais wa Jamhuri ya Muungano wa Tanzania Dkt John Pombe Magufuli akiongea na Makamu wa Pili wa Rais Zanzibar Balozi Seif Ali Iddi mara baada ya kuwasili katika uwanja wa ndege wa Kimataifa wa Abeid Amani Karume tayari kwa ziara ya siku tatu visiwani humo ambapo pamoja na mambo mengine atakuwa mgeni rasmi kwenye sherehe za kilele cha mbio za Mwenge wa Uhuru na Siku ya Mwalimu Nyerere.

Rais wa Ufilipino Rodrigo Duterte aushambulia vikali Muungano wa Ulaya

Haki miliki ya pichaEPA

Image captionRais wa Ufilipino Rodrigo Duterte aushambulia vikali Muungano wa Ulaya

Kwenye hotuba kali rais wa Ufilipino Rodrigo Duterte amekashifu vikali Muungano ya Ulaya kwa kuingilia masuala ya ndani ya nchi yake.,

Ametishia kuwatimua wajumbe wa Muungano huo ndania ya saa 24, akisema kwa Ulaya ilikuw ikipanga njama ya raia Ufilipino, kutimuliwa kutoka Umoja wa Mataifa. Hata hivyo hakutoa ushahidi wowote.

Matamshi hayo yanakuja baada ya ujumbe wa nchi za magharibi kulaumu vita vya Durtee dhidi ya ulanguzi wa madawa ya kulevya.

Baadaye msemaji wa EU akasema kuwa ujumbe huo haikuwakilisha muungano huo.

Katika hotuba yake Duterte alisema: "Tutatolewa kutoka UN? Wewe mtoto wa malaya," Endelea.

Haki miliki ya pichaREUTERS

Image captionSera za Duterte zimeendelea kupingwa Ufilipino

"Mnaingilia kati masuala yetu kwa sabababu sisi ni maskini. Mnatoa pesa kisha mnaanza kuamrisha ni vitu gani vinastahili kufanywa."

Akihutubua ujumbe huo alisema, "Nyinyi ondoka nchi yangu ndani ya saa 24, nyinyi wote."

Hii si mara ya kwanza rais Duterte ameshambulia Muungano wa Ulaya, kufuatia shutuma dhidi ya hatua zake kali dhidi ya ulanguzi wa madawa ya kulevya.

• Duterte: Nimeisikia sauti ya Mungu
• Obama akutana na kiongozi wa Ufilipino aliyemtusi

Sera za Duterte za kuunga mkono mauaji ya kiholela katika vita dhidi ya ulanguzi wa madawa ya kulevya zishutumiwa vikali kimataifa.

Polisi nchini Ufilipino wanasema kuwa wamewaua watu 3,850 katika oparesheni ya kupiga vita madawa ya kulevya tangu Bwa Duterte aingie madarakani mwaka uliopita.

Wawili wauawa kwa kupigwa risasi na polisi

Kwa ufupi

• Kamanda Mambosasa ametoa onyo kwa wanaojihusisha na uhalifu, akisema wamejipanga kuwashughulikia.

By Lightness Mndeme na Hidaya Nyanga, Mwananchi

Dar es Salaam. Watu wawili wanaodaiwa kuwa majambazi wameuawa kwa kupigwa risasi na Polisi, mmoja akituhumiwa kuwa alihusika katika tukio la kuvamiwa na kujeruhiwa Meja Jenerali mstaafu Vincent Mritaba.

Kamanda wa Polisi Kanda Maalumu ya Dar es Salaam, Lazaro Mambosasa amesema tukio hilo limetokea jana Jumatano saa nne usiku eneo la Mbezi Mshikamano kwa Mgalula.

Akizungumza na waandishi wa habari leo Alhamisi, Kamanda Mambosasa amesema mtuhumiwa anayehusishwa na kumjeruhiwa Meja Jenerali mstaafu Mritaba pia aliwahi kufungwa.

"Ametumikia adhabu ya kifungo mara kadhaa na alipotoka aliendelea na shughuli zake na jana ndiyo ilikuwa mwisho wake," amesema.

Kamanda Mambosasa akizungumzia tukio la kuuawa kwa watuhumiwa hao, amesema awali wakiwa kwenye pikipiki walifika eneo la tukio na kuuliza ni wapi wanapoweza kupata huduma ya fedha kwa njia ya mtandao.

Amesema mkazi wa eneo hilo ambaye ni mmiliki wa duka aliwatilia shaka hivyo alipiga simu kwa mkuu wa upelelezi.

Kutokana na taarifa hiyo, amesema askari waliokuwa doria walifika eneo hilo ambako waliwakuta watu watatu waliokuwa wamejificha mbali kidogo na duka la huduma ya M-pesa.

Kamanda Mambosasa amesema baada ya kuwaona polisi, watu hao walikimbia huku wakirusha risasi kujihami na kuwashambulia askari.

Amesema polisi walipambana nao na kuwajeruhi wawili ambao walifariki dunia wakipelekwa Hospitali ya Mwananyamala.

Kamanda Mambosasa amesema katika tukio hilo, polisi walikamata bunduki aina ya SMG iliyokuwa na risasi tisa na maganda mawili ya risasi.

Amesema uchunguzi unaendelea eneo la Mbezi. Pia, ametoa rai kwa watu wanaojihusisha na uhalifu kuacha akisema wamejipanga kupambana nao.

“Watu wote wanaojihusisha na vitendo vya uhalifu, Dar es Salaam sasa si mahali salama kwa kuwa Jeshi la Polisi limejipanga kupambana na wahalifu wote,” amesema.

Mama Maria Nyerere awaasa vijana kuzingatia utamaduni

• Mama Maria Nyerere amesema michezo ni hatua muhimu ya ukombozi wa fikra kwa vijana.

Dar es Salaam. Mama Maria Nyerere, amewaasa vijana kuzingatia utamaduni na michezo ili kuweka sawa akili zao.

Amesema michezo hukutanisha watu wengi na kuwawezesha kubadilishana mawazo yenye kujenga katika maisha.

Mama Maria amesema hayo leo Alhamisi alipozungumza na Mkurugenzi wa Idara ya Habari (Maelezo), Dk Hassan Abbasi nyumbani kwake jijini Dar es Salaam.

Taarifa ya Maelezo imesema Mama Maria amesema michezo ni hatua muhimu ya ukombozi wa fikra kwa vijana kwa kuwa wakiizingatia wataweza kufanya kazi na kujipatia mahitaji muhimu kama vile chakula na kuondokana na dhana ya utegemezi.

“Vijana wamejikita katika mambo maovu, sasa kitakachoweza kusaidia ni michezo kwa kuwa inawachangamsha, kuwakutanisha na kubadilishana mawazo mazuri na kwa sasa wanaendelea vyema na masuala haya ya michezo ambayo yanadumisha pia utamaduni,” amesema.

Mama Maria, ambaye ni mjane wa Baba wa Taifa, Julius Nyerere amesema kwa sasa vijana wameanza kujirudi katika kudumisha utamaduni kwa kuwa walitaka kupotoka na kuacha utamaduni wao.

Amesema watoto wanazaliwa bila ukomavu wa akili katika utamaduni, lakini pia hawapati elimu ya kutosha kutoka kwa wazazi kuhusu utamaduni, hivyo matokeo yake ni kuishia kuwa na watu wenye tabia za ajabu.

Mama Maria amesema jukumu la ukombozi wa vijana kutoka katika vitendo vibovu ni la Watanzania wote kuwaelimisha vijana kuhusu michezo ili kuweka akili zao sawa.

Amesema kujitegemea kwa vijana na hasa katika kufanya kazi kutawawezesha kutimiza ndoto zao na za Taifa lenye kipato cha kati kwa kutegemea uchumi wa viwanda.

UHUSIANO WA MAFUTA YA NAZI, MAWESE NA MAGONJWA YA MOYO

NI wazi kwamba sasa kila mmoja wetu anapaswa kuwa makini na kuzingatia jinsi anavyokula chakula tangu asubuhi hadi anapokwenda kulala usiku.

Ingawa wataalamu wa lishe wanaeleza kiuhalisia hakuna chakula, ambacho binadamu anazuiwa kula katika maisha yake hapa duniani lakini ni lazima azingatie kiasi na aina ya chakula anachokula kila siku.

Kwa sababu ili aweze kuishi akiwa na afya njema duniani anahitaji kula chakula. Hata hivyo wanashauri kwamba ni vema azingatie kula chakula bora na si bora chakula.

Wanasisitiza iwapo binadamu hatazingatia ulaji unaofaa huwa anajiweka kwenye hatari ya kupata magonjwa mengi hasa yale yasiyo kuwa ya kuambukiza.

Magonjwa hayo ni pamoja na ya moyo, kisukari, shinikizo la damu, saratani na mengineyo ambayo kasi yake ya maambukizi inaonekana kuongezeka ikilinganishwa na kasi ya magonjwa ya kuambukiza.

Kulingana na takwimu zilizotolewa hivi karibuni na Shirika la Afya Duniani (WHO), inakadiriwa kila mwaka takribani watu milioni 17 hufariki dunia, kutokana na kuugua magonjwa ya moyo.

WHO inaeleza kila mwaka zaidi ya watu milioni 75 hugundulika kuwa na magonjwa hayo duniani huku likibainisha kwamba hali ni mbaya zaidi katika nchi zinazoendelea, Tanzania ikiwamo.

Mafuta ya nazi/mawese

Mtaalamu wa Lishe wa Taasisi ya Moyo ya Jakaya Kikwete (JKCI), Louiza Shem, anasema matumizi ya mafuta ya nazi na mawese katika maandilizi ya chakula yanaweza kumsababishia mtu kupata magonjwa ya moyo.

“Mafuta haya na yale yatokanayo na wanyama yanapaswa kutumiwa kwa kiasi na si kwa wingi kwa sababu huwa yana kiwango kikubwa cha lehemu.

“Yanapoingia mwilini huenda kuganda kwenye mishipa ya damu na inapotokea hali hiyo moja kwa moja mtu huwa kwenye hatari ya kupata magonjwa ya moyo hasa shinikizo la damu,” anasema.

Nyama zilizonona

“Ni vizuri pia kuzingatia ulaji wa nyama, nyama ya kuku na zilizonona huwa na mafuta mengi ambayo yakiingia mwilini huweza kuleta madhara.

“Unywaji wa vinywaji vyenye sukari nyingi huchangia ongezeko la mafuta kwa wingi na uzito mkubwa kwenye mwili wa binadamu.

Unavyopaswa kula

“Kwa bahati nzuri hakuna chakula ambacho mtu hatakiwi kutumia ili kujiepusha na magonjwa ya moyo lakini tunashauri jinsi gani na kwa kiasi gani uvitumie ili kuepuka kupata magonjwa.

“Mfano ukiangalia vyakula vya wanga (ugali, wali viazi na vinginevyo) unakuta mtu anakula kupita kiasi, anajaza sahani… wakati mtu anapaswa kula chakula kulingana na aina yake ya kazi anayoifanya.

“Wengi tunaofanya kazi ofisini hatutumii nguvu nyingi kulinganisha na wale wanaobeba mizigo, wengi tunakula nyama kwa kiwango kikubwa, ni vema kupunguza kiasi.

“Mafuta yanayopatikana kwenye nyama yanaongeza uzito kupita kiasi na huenda kuziba mishipa ya damu, ikiwa ni ya kichwani utapooza mwili na ikiwa ni kwenye moyo utapata ‘heart attack’,” anafafanua.

Anashauri kwamba ni vema jamii ikajenga tabia ya kupunguza kiwango cha matumizi ya chumvi wakati wa maandilizi ya chakula.

“Waepuke na waache kabisa tabia ya kuongeza chumvi mezani wakati wa kula kwani ni hatari kwa afya ya moyo,” anasema.

Anasema kundi linaloathirika ni la vijana ambao wengi wapo katika umri wa uzalishaji mali.

“Tunaona jinsi umri unavyokwenda ndivyo ambavyo mtu anakuwa kwenye hatari zaidi ya kupoteza maisha kutokana na magonjwa haya kwa sababu wengi huchelewa kupata matibabu,” anasema.

Wanawake

Daktari Bingwa wa Magonjwa ya Moyo wa Taasisi ya Moyo Jakaya Kikwete, Bashir Nyangasa, anasema wanawake ni kundi ambalo pia lipo kwenye hatari ya kupata magonjwa hayo.

“Maumbile yao jinsi yalivyo ni rahisi kupata maambukizi kwa mfano ya njia ya mkojo (U.T.I), anapokuwa kwenye kipindi cha hedhi ni muhimu kuzingatia usafi.

“Ikiwa atatumia pedi moja kwa muda mrefu anakuwa anajiweka kwenye hatari zaidi kwa sababu ile damu ikajaa kwenye pedi hutengeneza bacteria (wadudu) ambao husababisha maambukizi kwenye kizazi.

“Wadudu hao huweza kusafiri na kufika hadi kwenye moyo na kuuathiri pamoja na viungo vingine ikiwamo figo.

“Hivyo ni muhimu kuzingatia suala la usafi wa mwili wakati wote na hasa mwanamke anapokuwa katika kipindi cha hedhi,” anasisitiza.

Watoto

Dk. Nyangasa anasema wakati mwingine hutokea mtoto akazaliwa na magonjwa ya moyo ambayo kitaalamu huitwa ‘congenital heart disease’.

“Wengi huzaliwa na matundu kwenye moyo au unaweza kukuta mishipa yao ya damu haijakaa sawasawa, au wakati mwingine kama mama aliugua magonjwa mbalimbali wakati wa ujauzito kwa mfano kaswende huweza kusababisha mtoto wake kuzaliwa na magonjwa haya.

“Kuna magonjwa ya kurithi pia kwenye familia, kuna magonjwa ya surua, rubella ambayo huweza kusababisha mtoto kuzaliwa na magonjwa ya moyo,” anasema.

Daktari huyo anasema mtoto akizaliwa njiti huwa kwenye uwezekano mkubwa wa kupata tatizo kwenye moyo wake.

“Kunakuwa na mambo mawili, vile ambavyo havijatimia kwa rehema za Mwenyezi Mungu vitaendelea kutimia au vinaweza visiendelee kutimia, ndiyo utakuta wale ambao ukiuliza historia ya mtoto ujagundua ana tatizo,” anaeleza.

Jinsi ya kubaini tatizo

Anasema mzazi anaweza kubaini tatizo la moyo kwa mtoto hata kabla ya kumfikisha hospitalini.

“Unakuta hawezi kushika chuchu ya mama yake kwa dakika mbili au tatu ili anyonye kama inavyotakiwa, utaona anashika kwa dakika kadhaa na kuachia chuchu, akiachia utaona anapumua kwa shida kwa kutumia mdomo wake,” anabainisha.

Hali ilivyo JKCI

Daktari Bingwa wa Magonjwa ya Moyo wa JKCI, Tulizo Sanga, anasema katika taasisi hiyo kila siku wanapokea na kuhudumia wagonjwa zaidi ya 300 wanaosumbuliwa na magonjwa hayo.

Dk. Sanga ambaye pia ni Mkurugenzi wa Huduma Bora za Afya wa Taasisi hiyo, anasema wengi hufika wakiwa wamechelewa.

“Ni kwa sababu hatuna utamaduni wa kupima afya mara kwa mara, ni vema jamii ikabadilika na kuanza kupima afya,” anashauri.

Matibabu

Dk. Nyangasa anasema ili kuzibua mishipa iliyoziba kwenye moyo huwa wanatumia chuma maalumu ambacho kimetengenezwa kwa uwezo wa hali ya juu.

“Kile huwa ni ‘stain- less steel’ ni mfano wa vile vinavyotumika kutengeneza ndege huwa havishiki kutu,” anabainisha.

Anasema mtu aliyewekewa chuma anaruhusiwa kufanya kazi zote isipokuwa zile za kutumia nguvu nyingi.

“Kwa mfano kina mama tukiweka kile chuma lazima tumfuatilie sana kuhusu suala la kubeba ujauzito, msichana ambaye hajawahi kuzaa akiwekewa kile chuma ni lazima atumie dawa za kuyeyusha damu maisha yake yote.

“Akishika ujauzito badala ya kutumia vidonge, miezi mitatu ya awali tutampa dawa kwa njia ya sindano kila siku,” anasema.

“Wagonjwa wangu huwa wananiuliza… watatumia dawa maisha yote, na mimi nawatania mbona wanakula kila siku, jambo la msingi mama akifikia kipindi cha kujifungua lazima ajitahidi aende kwenye hospitali kubwa ili wamsaidie inapotokea tatizo.

Changamoto

Dk. Nyangasa anasema changamoto kubwa inayowakabili ni upatikanaji wa vifaa ambavyo vingi hununuliwa kutoka nje ya nchi.

“Vifaa vyote ambavyo vinatumika katika matibabu ya moyo, vingi havitengenezwi Afrika, vinatengenezwa Ulaya na Marekani. Kwa mfano Kampuni ya St. Jude wale wameshika soko kwa ajili ya kutengeneza ‘valve’ na ukitaka kuwa wakala hapa lazima upate kibali maalumu kutoka kwao.

“Na si vifaa vya moyo tu bali vifaa vingi vya hospitalini vinakuja kutoka huko, sasa changamoto ni kwamba kile kifaa unaweza kukuta kule kinauzwa Dola 1000 (zaidi ya Sh milioni mbili).

“Yule wakala hadi akilete hapa Tanzania akilipie Mamlaka ya Mapato Tanzania (TRA), mnunuzi wa mwisho unakuta gharama imeongezeka hadi kufikia Sh milioni tano, ni changamoto kubwa,” anasema.

Mashirika ya kijamii yaonya huenda udikteta ukarejea Kenya

Baadhi ya mashirika ya kijamii yanaonya kuwa Kenya huenda inarejelea uongozi wa kidikteta kufuatia kile wanachokiita kugandamizwa kwa taasisi muhimu na serikali ya Jubilee

Baadhi ya mashirika ya kijamii yanaonya kuwa Kenya huenda inarejelea uongozi wa kidikteta kufuatia kile wanachokiita kugandamizwa kwa taasisi muhimu na serikali ya Jubilee. Mashirika haya yanaambatanisha matukio ya hivi karibuni kuelekea uchaguzi wa urais nchini ambapo viongozi wa kijamii, makanisa na vyombo vya habari vimeonekana kuegemea upande wa chama cha Jubilee, wakisema kuwa hali hiyo tayari ilikuwa imemnyima kiongozi wa upinzani, Raila Odinga, ushindi katika uchaguzi huo.

Mgawanyiko wa maoni

Maoni yamegawanyika kuhusu kile kinachomaanishwa na uamuzi wa kiongozi wa upinzani, Raila Odinga, wa kujitoa katika uchaguzi wa urais wa tarehe 26 mwezi huu wa Oktoba. Rais Uhuru Kenyata na wafusasi wake wameshikilia kuwa kura lazima ifanyike tarehe hiyo, jambo wanalolipinga wafuasi wa Raila Odinga.

Rais Uhuru Kenyatta akiwapungia mkono wafuasi wake mtaa wa Umoja Nairobi

Masese Kemunche ambaye ni mratibu katika shirika la kijamii la CEDGG anaunga mkono hatua ya Raila akiitaja kama haki yake ya kikatiba. Aidha anahoji uwezekano wa uchaguzi huru na wa haki akisema chama cha jubilee tayari kilikuwa kimeweka mikakati kila upande kuhakikisha Raila hatashinda uchaguzi huo.

Unyamavu wa mashirika ya kijamii

Masese anayashutumu mashirika ya kijamii, makanisa na wanahabari nchini kwa kukosa kuangazia swala hili kikweli akisema serikali iliyopo imekandamiza taasisi hizi kiasi kwamba haziwezi kutoa mwongozo huru. Ametaja kuwa hata wataalamu kama mawakili wanajihusisha na chama cha Jubilee kwa lengo la kujipatia ukubwa. Kulingana na masese hizi ni ishara za kidikteta zinazotoshia uhuru wa taifa hili.

Ni swala linaloibuliwa pia na baraza la wazee wa jamii zilizoko eneo la Bonde la Ufa mbao wamewataka viongozi wa kanisa kutochukua misimamo ya kisiasa kufuatia hali ya kisiasa inavyojiri. Wamesema kuwa sawa na majaji na mahakimu, viongozi wa kanisa wana jukumu la kusimama wima na kutoa mweleko kwa wananchi.

Raila Odinga, kiongozi wa muungano wa upinzani NASA

Maandamano yapigwa marufuku Nairobi, Mombasa na Kisumu

Masese Kemunche analitaka shirika la mawakili nchini, LSK, kutoa utafsiri kamili wa hatua hii ya Raila Odinga kuhusiana na kile inchomaanisha kwa uchaguzi wa Oktoba tarehe 26. Hatua hii, Masese anasema, itasitisha taharuki inayoibuliwa na mipango ya chama cha jubilee kubadilisha baadhi ya sheria zinazoonekana kuwa.

Kando na hayo, kaimu waziri wa usalama wa ndani, Fred Matiang'I ametangaza kupiga marufuku ya maandamano katika mjini mikuu akihusisha maandamano hayo na uharibifu wa mali katika miji hiyo. Itazingatiwa kuwa muungano wa upinzani nchini, NASA, ulikuwa umetoa mwongozo kwa wafuasi wake kuanza maandamano ya kila siku kuanzia kesho ili kushinikiza mageuzi katika tume huru ya uchaguzi nchini, IEBC.

Davido ahojiwa kufuatia kifo cha rafiki yake

Haki miliki ya pichaGETTY IMAGES

Image captionDavido ahojiwa kufuatia kifo cha rafiki yake

Polisi katika mji wa Lagos nchini Nigeria wanasema kuwa wanamchunguzua mwanamuziki Davido, ambaye jina lake kamili ni David Adeleke, kufuatia utata unaozunguka kifo cha rafiki yake Tagbo Umeike.

Msemaji wa polisi aliiambia BBC kuwa Davido hachukuliwa kuwa mshukiwa wakati huu, lakini akathibitisha kuwa mwanamuziki huyo wa afrobeats, aliitwa kuhojiwa pamoja na familia ya Tagbo, ambao walikuwepo wakati wa kifo chake.

Tunachunguza ni wapi Davido alienda, kanda ya video, ili kupata picha wazi kuhusu kile kilichotokea. alisema msemaji huyo.

Bw. Tagbo, rafiki yake Davido alifariki tarehe 3 Oktoba na mwili wake ukaachwa nje ya hospitali mjini Lagos.

Davido amekana kabisa kuhusika kwenye kifo cha rafiki yake.

Chanjo dhidi ya ugonjwa wa Ebola yafanikiwa

Haki miliki ya pichaAFP

Image captionMarekani yajiondoa Unesco ikilalamikia ubaguzi dhidi ya Israel

Marekani inajiondoa kutoka shirika la elimu sayansi na utamaduni la Umoja wa Mataifa UNESCO ikililaumu kwa ubaguzi dhidi ya Israel.

Wizara ya mambo ya kigeni ilisema kuwa itabuni ujumbe wa waangalizi kwenye shirika hilo lenye makao yake nchini Ufaransa kuchukua mahala pa uwakilishi wake.

Mkuu wa Unesco Irina Bokova, alisema kujiondia kwa Marekani ni hatua ya kujutia.

"Kujiondoa kwa Marekani ni pigo kwa familia ya Umoja wa Mataifa," Bi Bokova alisema.

Mwaka 2011 Marekani ilifuta bajeti yake kwa Unesco kupinga hatua yake ya kuwapa wapalestina uanachama kamili.

Rais wa Marekani Donld Trump awali amekosoa kile alichotaja kuwa ni mchango mkubwa wa Marekani kwa mashirika ya Umoja wa Mataifa.

Marekani hutoa asilimia 22 ya bajeti ya kawaida ya Umoja wa Mataifa na asilimia 28 kwa shughuli za amani za Umoja wa Mataifa.

Unesco iko katika mikakati ya kumteua kiongozi mpya huku mawaziri wa zamani wa Qatari na Ufaransa, Hamad bin Abdulaziz al-Kawari na Audrey Azoulay wakiwa sako kwa bako kuchukua mahala pa Bokova.