Rais Magufuli asisitiza umuhimu wa kuendelea kuwepo Muungano wa nchi

Haki miliki ya pichaIKULU

Image captionRais wa Tanzania,Dokta John Magufuli

Rais wa Tanzania John Pombe Magufuli amesisitiza haja ya watanzania kuendelea kudumisha amani na wasikubali kutumika kuivuruga amani ya nchi.

Katika maadhimisho makuu huko mjini Dodoma ya miaka 54 tangu Tanganyika na Zanzibar zilipoungana na kuunda Tanzania, Rais Magufuli amesisitiza umuhimu wa kuendelea kuwepo kwa Muungano wa nchi.

Licha ya kwamba kumekuwa na mazungumzo kuhusu maandamano dhidi ya Rais wa Tanzania Dokta John Magufuli ambayo yaliopangwa kufanyika leo, hali imekuwa shwari.

Kumekuwa na utulivu wa kawaida katika baadhi ya maeneo nchini licha ya kwamba kumekuwa na mazungumzo kuhusu maandamano dhidi ya kiongozi huyo na utawala wake.

Ndani ya mkoa wa kibiashara wa Dar es Salaam, wakaazi wamekuwa wakiendelea na shughuli mbalimbali kama kawaida.

Image captionKumekuwa na ukimya katikati mwa mji wa Dar es Salaam wakati siku za kawaida watu hupishana

Ulinzi mkali umeimarishwa sehemu mbalimbali nchini kwa ajili ya kuwa tayari kukabiliana na jambo lolote litakalo onekana kuhatarisha amani.

Kwa zaidi ya mwezi mmoja sasa, mwanaharakati wa kwenye mitandao ya kijamii, mtanzania ambaye makaazi yake ni nchini Marekani amekuwa akiratibu maandamano kupitia ukurasa wake wa Instagram.

Mange Kimambi amekuwa akiitisha maandamano nchi nzima dhidi ya rais Magufuli kwa kile anachodai kuwa amekuwa akikiuka haki za binaadam na kudidimiza uhuru wa kisiasa nchini

Mara baada ya kuingia madarakani, rais Magufuli alipiga marufuku maandamano na mikutano ya kisiasa.Alisema uchaguzi umekwisha sasa ni wakati wa kuchapa kazi.

Polisi: Kuhamasisha maandamano kupitia mtandao ni kosa la jinai Tanzania

Ofisi ya mambo ya nje ya Uingereza imewatahadharisha raia wake walio Tanzania kuhusu vurumai ambazo huenda zikatokea.

Katika maandamano ya mwezi Februari, makabiliano kati ya Polisi na waandamanaji yalisababisha kifo cha mwanafunzi mmoja, baada ya risasi ya risasi ya moto kufyatuliwa.

Image captionPolisi waliwatia mbarani watu 40 wanaodaiwa kushiriki kwenye maandamano wiki iliyopita nchini Tanzania

Kutokana na serikali kuweka kutahadharisha umma dhidi ya maandamano, wengi hawana hakika kama maandamano hayo yatafanyika.

Tayari watu kadhaa wamekamatwa wakihusishwa na upangaji wa maandamano hayo.

• Marufuku za utawala wa Rais Magufuli Tanzania
• Watu 7 wakamatwa kuhusiana na maandamano Tanzania
• Uingereza yatoa tahadhari kwa raia wake Tanzania

Mwezi uliopita katika mkutano wa hadhara, rais Magufuli ameonya kuwa watakaoandamana watamtambua.

''Kuna watu walioshindwa kufanya siasa za kweli wangependa tufanye maandamano barabarani kila siku. Nimesema acha waandamane na wataona mimi ni nani''.

Dokta John Magufuli , Rais wa Tanzania

''Kuna watu walioshindwa kufanya siasa za kweli wangependa tufanye maandamano barabarani kila siku. Nimesema acha waandamane na wataona mimi ni nani''.

Serikali imekana shutuma kuwa imekuwa ikikandamiza uhuru wa upinzani na uhuru wa kujieleza.