Mazoezi ya kijeshi ya Marekani na Korea Kusini yaanza

Haki miliki ya pichaGETTY IMAGES

Image captionMazoezi ya kijeshi ya Marekani na Korea Kusini yaanza

Marekani na Korea Kusini kwa pamoja yameanza mazoezi yao ya kijeshi ya kila mwaka, baada ya zoezi hilo kucheleweshwa kwa karibu mwezi mzima.

• Ndege ya Marekani yawaonyesha ubabe Korea Kaskazini

Mazoezi hayo yalisitishwa ili kutoa fursa kulegezwa kwa masharti ya mazungumzo kati ya Korea zote mbili, wakati wa mashindano yaliyomalizika ya Olimpiki majira ya baridi.

Katika siku za nyuma, Korea Kaskazini, ilielezea mazoezi hayo ya kijeshi, kama maandalizi ya kuivamia.

Haki miliki ya pichaGETTY IMAGES

Image captionMazoezi hayo pia uhusisha huduma za kwanza

Lakini mwandishi wa BBC anasema kuwa, mara hii Pyongyang, imekimya kuhusiana na mazoezi hayo.

Rais wa Korea Kaskazini Kim Jong-un, anasemekana kuwaambia maafisa wakuu wa nchi jirani ya Korea Kusini, ambao walizuru taifa lake kuwa, anaelewa kuwa hali inafaa kusonga mbele.

• Marekani na Korea Kusini wafanya mazoezi ya pamoja ya jeshi

Mwisho wa mwezi huu, mkutano mkuu umeandaliwa kati ya mataifa hayo mawili, ambayo zamani yalikuwa mahasimu, na utakuwa mkutano wa kwanza kabisa katika kipindi cha muongo mmoja uliopita.