Watu 2 wauawa kwenye shambulizi la kisu Ufaransa

Haki miliki ya pichaAFP

Image captionWatu 2 wauawa kwenye shambulizi la kisu Ufaransa

Watu wawili wameuawa kwenye shambulizi la kisu katika kituo cha treni cha Saint Charles huko Marseille nchini Ufaransa, kwa mujibu wa vyombo vya habari.

Mshambuliaji aliuawa na maafisa wa usalama kwenye mji huo ulio Kusini mwa Ufaransa.

Waziri wa mashauri ya ndani nchini Ufaransa, Gérard Collomb, anasema anaelekea eneo hilo.

Ugaidi: Sheria kali Ujerumani ikilenga wageni

Gari lawagonga wanajeshi wa Ufaransa mjini Paris

Polisi waliandika katika mtandao wa twitter kuwa hali imethibitishwa na mshambuliaji kuuliwa.

Afisa mmoja wa polisi ambaye hakutajwa jina aliliambia gazeti la Le Monde kuwa mshambuliaji alitamka maneno "Allahu akbar".

Haki miliki ya pichaAFP

Image captionKisa hicho kilitokea katika kituo cha treni cha St Charles Marseille