Obama na Michelle washangazwa na tuhuma zinazomkabili Harvey Weinstein

Haki miliki ya pichaGETTY IMAGES

Image captionHarvey Weinstein ni mwandaaji filamu maarufu

Rais wa zamani wa Marekani Barack Obama, na mkewe, Michelle, wamesema wameshangazwa sana na tuhuma za udhalilishaji wa kimapenzi wa wanawake ambazo zinamkabili mwandaaji wa filamu wa Hollywood Harvey Weinstein.

Bw Weinstein alikuwa anachanga fedha nyingi kwa chama cha Democratic.

Kampuni yake ilimfuta kazi Jumapili kutokana na tuhuma hizo.

Binti wa rais huyo wa zamani, Malia, alifanya kazi kama mkurufunzi katika kampuni ya Weinstein majira yaliyopita ya joto.

Mwandaaji huyo wa filamu ametuhumiwa kuwabaka wanawake watatu.

Baadhi ya waigizaji nyota Hollywood wamejitokeza na kudai kwamba walidhalilishwa kingono pia ni Weinstein wakiwemo Angelina Jolie, Mira Sorvino na Gwyneth Paltrow.

Produsa huyo amekanusha tuhuma hizo na kusema kwamba alishiriki tendo la ngono na wanawake hao kwa hiari yao.

Haki miliki ya pichaPA

Image captionAngelina Jolie (kushoto) na Gwyneth Paltrow ni miongoni mwa waliomtuhumu Weinstein

Mke wake Georgina Chapman ametangaza kwamba atamwacha.

Chapman, 41, ambaye ni mwanzilishi mwenza wa kampuni ya mitindo ya mavazi ya Marchesa, na Weinstein, 65, wana watoto wawili.

• Angelina Jolie: 'Sina furaha kwa kukosa mpenzi.''
• Brad Pitt 'asikitishwa' na Angelina Jolie

Jolie aliandika kwenye barua pepe: "Nilikuwa na kisa cha kusikitisha sana kati yangu na Harvey Weinstein wakati wa ujana wangu, na kwa sababu yake, niliamua kwamba singefanya kazi naye tena na nilikuwa nikiwatahadharisha wengine wakifanya kazi naye.

"Tabia hii dhidi ya wanawake katika fani yoyote haikubaliki katika taifa lolote lile."