Kifo cha Kim Jong-nam: Wanawake wakana mashtaka nchini Malaysia

Haki miliki ya pichaREUTERS

Image captionKifo cha Kim Jong-nam: Wanawake wakana mashtaka nchini Malaysia

Wanawake wawili wamekana mashtaka ya kumuua Kim Jong-nam, ndugu wa kambo wa kiongozi wa Korea Kaskazini, wakati wa kuanza kwa kesi yao nchini Malaysia.

Bwana Kim alifariki mwezi Februari kwenye uwanja wa Kuala Lumpur, katika kisa cha kusikitisha kilicho ishangaza dunia.

• Mwili wa Kim Jong-un wawasili Korea Kaskazini
• Balozi wa Korea Kaskazini nchini Malaysia atimuliwa

Mwaname raia wa Vienam Doan Thi Huong, 29 na mwingine raia wa Indonesia Siti Aisyah, 25, wanalaumiwa kwa kumwekea kemikali hatari ya VX usoni, alipokuwa akisubiri kuabiri ndege kwenye uwanja wa Kuala Lumpur.

Lakini wanawak hao wamedai kuwa maajenti wa Korea Kaskazini waliwahadaa kufanya hivyo.

Haki miliki ya pichaAFP

Image captionBw Kim alisafiri mara kwa mara barani Asia na alionekana mjini Beijing mwaka 2004

Pyongyang imekana kuhusika kwa vyovyote vile kwenye mauaji hayo

Wanawake hao walikuwa wamefungwa mikono na kuvaa mavazi yasiyopenya risasi, kwa mujibu wa shirika la AFP

Ikiwa watapatikana na hatia wanawake hao watahukumiwa kifo. Mawakili wao wanasema kuwa washukiwa wakuu wameondoka nchini Malaysia.

• Kifo cha Kim Jong Nam: Malaysia yalaani utumizi wa kemikali
• Nduguye Kim Jong-un auawa Malaysia

Kisa hicho kilisababisha mzozo wa kidiplomasia na kuharibika kwa uhusiano kati ya Korea Kaskazini na Malaysia ambapo kila nchi iliwatimua mabalozi wa nchi nyingine.