Kenya na Tanzania zashuka pakubwa orodha ya Fifa

Haki miliki ya pichaGETTY IMAGES

Shirikisho la soka duniani Fifa limetoa orodha mpya ya viwango vya soka duniani baada ya kuchezwa kwa mechi za kufuzu kwa Kombe la Dunia 2018, Kenya na Tanzania zikishuka zaidi ya hatua 10 kwenye orodha hiyo..

Ujerumani bado wanaongoza wakifuatwa na Brazil na Ureno.

Tanzania inashikilia nafasi ya 136 sasa baada ya kushuka nafasi 11, Kenya nayo imeshuka nafasi 14 hadi nafasi 102.

Katika mechi za kirafiki ambazo Harambee Stars walicheza hivi majuzi, walilazwa 1-0 na Thailand baada ya kuchapwa 2-1 na Iraq mjini Basra.

Burundi imesalia nafasi ya 129, Uganda ikapanda hatua moja hadi nafasi ya 70.

• Mambo muhimu kuhusu nchi ambazo tayari zimefuzu Kombe la Dunia 2018

• Taifa la watu 335,000 lafuzu Kombe la Dunia

Malawi imeshuka nafasi moja hadi nambari 117 ambapo inafuatwa katika nafasi ya 118 na Rwanda ambao bado walishikilia nafasi hiyo katika orodha iliyotangazwa awali.

DR Congo wamepanda nafasi 7 hadi nafasi ya 35.

Afrika Tunisia wanaongoza kiwa nafasi ya 28 duniani baada ya kupanda hatua 3 wakifuatwa na Misri walio nafasi ya 30 duniani.

Orodha ya Fifa
Nafasi	Taifa
1	Ujerumani
2	Brazil
3	Ureno
4	Argentina
5	Ubelgiji
6	Poland
7	Ufaransa
8	Uhispania
9	Chile
10	Peru
11	Uswizi
12	England
13	Colombia
14	Wales
15	Italia
16	Mexico
17	Uruguay
18	Croatia
19	Denmark
20	Uholanzi