Bunge kuanzisha uchunguzi wa ufisadi mkubwa Afrika Kusini

Haki miliki ya pichaGALLO IMAGES

Image captionInadaiwa kuwa familia moja yenye nguvu ya Gupta, imekuwa na ushawishi wa viwango vya juu serikalini,

Bunge la Afrika leo linaanzisha uchunguzi unaohusu madai ya ufisadi wa kiwango cha juu zaidi serikalini.

Wale waliopiga ramli kuhusu ufisadi huo na maafisa mashuhuri wanatarajiwa kuitwa kutoa ushahidi wao.

• Ripoti ya Zuma kuhusu ufisadi yatolewa
• Jacob Zuma : Siogopi kufungwa jela

Muda huu huenda ukawa wa kukosa amani miongoni mwa watu wenye ushawishi nchini Afrika Kusini.

Mawaziri, watu matajiri, mtoto wa rais na mashahidi wengine wengi, wanatarajiwa kuitwa mbele ya wabunge wanaochunguza madai ya ufisadi mkubwa nchini humo.

Haki miliki ya pichaREUTERS

Image captionJacob Zuma

Inadaiwa kuwa familia moja yenye nguvu ya Gupta, imekuwa na ushawishi wa viwango vya juu serikalini, ili kuweza kujishindia kandarasi za serikali.

• Ushahidi wa ushawishi wa washirika wa Zuma kutolewa
• Spika aidhinisha kura ya siri kuhusu Zuma

Familia hiyo ya Gupta imekana madai hayo sawa na rafiki wao Rais Jacob Zuma

Katika kipindi hiki cha misukosuko ya siasa kuhusu ni nani atakaye mrithi Zuma, uchunguzi wa wiki hii huenda ukawa na athari za aina yake.