Wakulima wa alizeti watakiwa kuzingatia ubora

• Tanzania pia imetakiwa kuweka mpango wa miaka mitatu kwa ajili ya uzajilishaji sukari ili kuweza kufikia tani laki 8.

Dar es salaam. Wakulima wa zao la alizeti nchini wametakiwa kuongeza viwango na ubora wa zao hilo ili kuongeza thamani ya soko.

Hayo yamesemwa leo na Waziri wa Viwanda, Charles Mwijage wakati akiwasilisha taarifa ya mkutano wa SADC uliomalizika hivi karibuni na kujadili hali ya viwanda na biashara kwa nchi za Afrika.

Waziri Mwijage amesema kuwa Tanzania itaweza kunufaika  kwa ajili ya zao la alizeti kwa kuongeza mauzo katika soko la kimataifa.

Ameongeza kuwa SADC pia imeitaka Tanzania kuweka mpango wa miaka mitatu kwa ajili ya uzalishaji wa sukari ili kuweza kufikia tani laki 8.

Mwijage amewataka wote wenye mashamba na waliopewa mashamba kwa ajili ya kilimo cha miwa wahakikishe wanalima kilimo chenye tija kwa manufaa ya viwanda vyetu.