Bodi ya Filamu Kenya yapiga marufuku filamu ya wapenzi wa jinsia moja

Haki miliki ya pichaRAFIKI

Image captionMaudhui ya filamu hiyo yanahusu mapenzi ya jinsia moja

Bodi la Filamu la Kenya (KFCB) imeipiga marufuku filamu iitwayo 'Rafiki' inayogusia masuala ya mapenzi ya jinsia moja.

Filamu hiyo ni ya kwanza kutoka Kenya kuchaguliwa ili kuonyeshwa katika tamasha la kimataifa la Cannes mwaka huu.

Tamasha la Cannes, ni miongoni mwa matamasha ya filamu makubwa duniani ikiwa pamoja na tamasha la Oscars. Wanafilamu,watayarishaji na waongozaji wa filamu wanakutana sio tu kushindanisha filamu lakini pia ni nafasi kubwa ya kuuza filamu zao kwa makampuni makubwa.

KFCB imepiga marufuku filamu hiyo kuonyeshwa hadharani au kutangazwa kwenye televisheni na kusambazwa, ikisema maudhui ya filamu hiyo inayoonesha mapenzi ya jinsia moja kati ya wanawake wawili, inakiuka sheria za Kenya.

• Wapenzi wa jinsia moja wataka kutambuliwa Ghana
• Mmarekani mpenzi wa jinsia moja aliyeikimbia Afrika
• Kim aahidi 'historia mpya' ya Korea mbili

Filamu hiyo imeandikwa na kuongzwa na Wanuri Kahiu aliyetangaza habari hizo za kupigwa marufuku kwenye mtandao wa kijamii wa Twitter, akisema "niliamini kuwa watu wazima Kenya wamenyimwa haki zao za kujichagulia maudhui wanayoyataka kuyaona"

Ruka ujumbe wa Twitter wa @wanuri

Wanuri@wanuri

I am incredibly sorry to announce that our film RAFIKI has been banned in Kenya. We believe adult Kenyans are mature and discerning enough to watch local content but their right has been denied. #Cannes2018 #AKenyanFirst

8:40 AM - Apr 27, 2018

• 2,541
• 2,196 people are talking about this

Twitter Ads info and privacy

Mwisho wa ujumbe wa Twitter wa @wanuri

Hadithi ya Rafiki ni kuhusu wasichana wawili Kena na Ziki, marafiki wa karibu ambao baadae walikuwa wapenzi. Familia zao wako katika pande tofauti za kisiasa.

Wanakutana na shinikizo kubwa ambalo linaathiri urafiki wao. Hali hii inawafanya kufanya maamuzi magumu baina ya furaha yao au usalama wao.

KFCCB inasema kuwa " baadhi ya picha zinazoonyesha mapenzi ya jinsia moja zinakiuka sheria, utamaduni na maadili ya Wakenya. Inajaribu kuhalalisha mapenzi ya jinsia moja kati ya wanawake"

Bodi hiyo imeonya kuwa mtu yeyote atayekutwa na filamu hiyo atachukuliwa hatua za kisheria.

Wanaharakati wanaotetea mapenzi ya jinsia moja waliandika kwenye mtandao wa Twitter wakishutumu bodi hiyo .

Ruka ujumbe wa Twitter wa @NGLHRC

 YouTube ‎@YouTube

The Commission_Ke@NGLHRC

This begs the question, had the film not been nominated (FYI We are so proud of Wanuri and the team), would @EzekielMutua still celebrate her? The the film and our diversity? #QueerFilm
Wanuri Kahiu's film 'RAFIKI' to premiere at Cannes Film Festival https://youtu.be/DkJrjURBqWI 

3:25 PM - Apr 18, 2018

• 6
• See The Commission_Ke's other Tweets

Twitter Ads info and privacy

Mwisho wa ujumbe wa Twitter wa @NGLHRC

Mwezi Juni mwaka uliopita, bodi hiyo ilipiga marufuku baadhi ya vipindi vya televisheni katika ving'amuzi vya DSTV na GOTV vilivyosemekana kuunga mkono mapenzi ya jinsia moja.

Vitendo vya mapenzi ya jinsia moja ni kinyume ya sheria kama nchi nyingi barani Afrika. Tendo la ngono kati ya watu wa jinsia moja inahukumu ya miaka 14 gerezani nchini Kenya.

• Simba ''wapenzi wa jinsia moja'' wapigwa picha Kenya

Mwezi uliopita, mahakama ya Kenya iliamua kwamba kitendo cha kuwalazamisha kuwapima kwa nguvu sehemu za siri za wanaume ilikubaini kama wanajihusisha na mapenzi ya jinsia moja, ni kinyume cha sheria .