Felix Tshisekedi achaguliwa na upinzani kugombea urais DRC

Image captionFelix Tshisekedi (pichani) ni mwana wa waziri mkuu wa zamani na muasisi wa muungano wa upinzani wa UPDS -Etienne Tshisekedi, aliyefariki dunia mjini Brussels mwezi wa February mwaka jana

Chama kikuu cha upinzani kimemchagua leo (Jumamosi) mwanae muasisi wa chama hicho Felix Tshisekedi kama mgombea wake wa urais katika uchaguzi mkuu ujao.

• Kiongozi wa upinzani DRC Etienne Tshisekedi afariki dunia

Muungano huo wa pinzani UDPS unasema Felix Tshisekedi, mwana wa waziri mkuu wa zamani wa taifa hilo Etienne Tshisekedi, aliyefariki dunia mjini Brussels mwezi wa February mwaka jana, ndiye atakayekuwa mgombea wake katika uchaguzi wa mwezi Disemba.

Uchaguzi wake umefanyika baada ya mkutano wa wajumbe wa chama hicho uliofanyika usiku kucha katika mji mkuu Kinshasa.

Image captionMuasisi wa muungano wa upinzani wa UPDS -Etienne Tshiseked (pichani) ndiye baba yake Felix Tshiseked

• Waasi wasema watu 100, wauawa DRC

Tshisekedi pia amechaguliwa kuongoza chama kwa idadi kubwa ya kura...akijizolea kura 790 kati ya 803 za wajumbe wa chama.

"Nina imanikwamba UDPS itaingia madarakani mwaka huu kuweka mambo sawa nchini''

" alisema Tshisekedi

• Watu 6 wauawa katika maandamano DRC

Uchaguzi wa rais nchini DRC unatarajiwa kufanyika tarehe 23 Disemba baada ya kuahirishwa mara mbili, jambo lililosababisha ghasia zilizohofiwa kuliingiza taifa hilo vitani.

Image captionMaandamano ya upinzani DRC: Ghasia za maandamano ya upinzani za kumtaka rais Joseph Kabila aondoke madarakani zinakadiriwa kuwauwa makumi kadhaa ya watu

Rais Joseph Kabila amekuwa madarakani tangu mwaka 2001 na alitakiwa kuondoka madarakani mwishoni mwa mwaka 2016 baada ya kumaliza mihula yake miwili inayokubalika kikatiba.

Hofu juu ya hatma ya rais Kabila mamlakani ilitawala miongoni mwa raia walioanzisha maandamano yaliyokabiliwa na mashambulio ya vikosi vya serikali pamoja na kukamatwa kwa waandamanaji.

Ghasia za maandamano ya upinzani zinakadiriwa kuwauwa makumi kadhaa ya watu.

• Maandamano ya kumtaka Kabila aondoke madarakani yashuhudiwa Kinshasa

kulingana na matokeo ya kura ya maoni yaliyotangazwa Ijumaa, asilimia 69 ya raia hawana imani kwamba tume ya uchaguzi nchini humo inaweza kuendesha uchaguzi wa haki na asilimia 80 wana maoni hasi juu ya kabila.

Image captionRais Joseph Kabila alitakiwa kuondoka madarakani mwishoni mwa mwaka 2016 baada ya kumaliza mihula yake miwili inayokubalika kikatiba, jambo lililopingwa vikali na upinzani

Asilimia 66 wangependelea kumchagua mgombea wa upinzani na kabila angepata asilimia sita tu iwapo angetaka kugombea tena urais

Muungano wa upinzani UDPS wulianzishwa mnamo mwaka 1982 wakati wa utawala wa dikteta Mobutu Sese seko.

Umekuwa katika upinzani tangu wakati huo na umekuwa ukitawaliwa na mgawanyiko miongoni mwa wanachama wake.