Urusi iliwafikia watumiaji milioni 126 wa Facebook Marekani

Haki miliki ya pichaAFP/GETTY IMAGES

Image captionNembo ya Facebook

Facebook imesema kuwa karibu watumiaji milioni 126 wa mtadao wa Facebook waliona yale yaliyokuwa yakichapishwa na Urusi katika kipindi cha miaka miwili iliyopita.

Mtandao huo wa kijamii unasema kuwa taarifa 80,000 zilichapishwa kabla na baada ya uchaguzi wa urais wa mwaka 2016.

Nyingi ya taarifa hizo zilikuwa za kupotosha zilizohusu siasa.

Facebook ilitoa viwango hivyo kabla ya kikao cha Senate ambapo Twitter na Google wataelezea athari za Urusi katika mitandao hiyo maarufu.

• Taarifa potofu kuiponza Facebook
• Facebook yanunua app ya vijana
• Facebook yapata faida
• Muuaji aliyeonekana Facebook ajiua

Urusi mara kwa mara imekana madai kuwa ilijaribu kushawishi uchaguzi wa urais nchini Marekani ambapo Donald Trump alimshinda Hillary Clinton.

Viwango vya hivi punde vilivyotolewa na Facebook vimeonwa na shirika la Reuters na gazeti la Washington Post.

Taarifa 80,000 zilichapishwa kati ya Juni 2015 na Agosti 2017.

Faceboook inasema kuwa taarifa hizo zilichapishwa na kampuni ya Urusi yenye uhusiano na serikali ya Urusi.

Haki miliki ya pichaREUTERS

Image captionTwitter na Facebook