Jared Kushner 'amesajiliwa kama mpiga kura mwanamke'

Haki miliki ya pichaREUTERS

Image captionJared Kushner ametajwa kuwa mtu mwenye umri wa miaka 36 mwenye ushawishi mkubwa duniani

Mkwe wa Donald Trump amesajiliwa kupiga kura kama mwanamke kwa miaka 8, inadaiwa.

Jinsia yake imesajiliwa kama "mwanamke" katika rekodi kutoka bodi ya uchaguzi jimboni New York, kwa mujibu wa taarifa zilizochapishwa kwenye mtandao wa Wired.

Picha za usajili wake zinaashiria kuwa Kushner, ambaye ni mshauri mkuu wa rais alijisajili kupiga kura Novemba 2009.

Mpaka sasa hajatoa tamko lolote kuhusu hilo, kwahivyo haijulikani wazi ni vipi makosa hayo yalitokea .

• Mkwewe Trump aizuru Iraq rasmi
• Jared Kushner akana tuhuma dhidi yake
• Trump Junior alikutana na wakili wa Urusi

Huenda makosa hayo hayawezi kuchukuliwa kuwa ya udanganyifu, kwasababu hilo linahitaji mshukiwa kutoa kwa makusudi taarifa za uongo.

Rais Trump alizungumza kwa mbwembwe kuhusu suala hilo baada ya uchaguzi mkuu 2016 akituma ujumbe kwenye Twitter kwamba "mamilioni ya watu walipiga kura kiharamu", pasi kutoa ushahidi wowote.