Majaliwa kuanzisha mbio za Mwenge wa Uhuru

Mbio za Mwenge wa Uhuru zitahitimishwa Oktoba 14,2018 mkoani Tanga.

Geita. Waziri Mkuu Kassim Majaliwa kesho Aprili 2,2018 atawasha Mwenge wa Uhuru mkoani Geita.

Sherehe za kuwashwa Mwenge zinatarajiwa kuanza saa moja asubuhi hadi saa tano asubuhi katika kiwanja cha Magogo mjini Geita.

Akizungumza na MCL Digital leo Jumapili Aprili Mosi,2018 Mkuu wa Mkoa wa Geita, Robert Gabriel amesema viongozi kadhaa wamewasili akiwemo Waziri wa Sera, Bunge, Kazi, Vijana, Ajira na wenye Ulemavu, Jenista Mhagama.

Mwenge wa Uhuru ambao utakimbizwa mkoani Geita kwa siku sita  utakabidhiwa mkoani Kagera Aprili 7,2018.

Mbio za Mwenge ambazo kauli mbiu kwa mwaka huu ni ‘Elimu ni ufunguo wa maisha, wekeza sasa kwa maendeleo ya Taifa zitahitimishwa Oktoba 14,2018 mkoani Tanga.