Tuesday, March 6

Ugonjwa wa 'Listeria': Kenya yapiga marufuku bidhaa za nyama kutoka Afrika ya Kusini

saHaki miliki ya pichaREUTERS
Image captionNyama zote za kusindikwa zimeondolewa kwenye maduka
Serikali ya Afrika Kusini imezitaja nyama za kusindika aina ya Polony kuwa zilikuwa na sumu iliyosababisha vifo vya watu 180. Na imewashauri watu kutotumia nyama yoyote ya kiwandani.
Amri hiyo imetolewa kwa wenye maduka kurudisha bidhaa hizo, na kuziondoa kabisa katika maduka yao.
Nchi zilizozuia uingizaji wa nyama hizo kutoka nchini Afrika ya Kusini ni pamoja na Namibia, Msumbiji, Malawi, Botswana, na Zambia.
Kenya nayo imepiga marufuku bidhaa za nyama kutoka Afrika Kusini. Kwenye taarifa iliyotumwa na mkurugenzi wa afya ya umma Kepha Ombcaho, wafanyabiashara wametakiwa kuacha kuagiza bidhaa za kampuni ya Enterprise Food Production na Rainbow Chicken.
Aidha agizo hilo limetaka wafanyabiashara kurejesha bidhaa ambazo tayari vilikuwa vimeagizwa.
Waziri wa kilimo na usalama wa chakula wa nchini Msumbiji amekaririwa kuwa wamiliki wote wa maduka yanayouza nyama hizo waanze kuziondoa mara moja kwenye maduka yao kutokana na hatari inayodhuru afya.
Wakati huo huo Kenya nayo imepiga marufuku bidhaa za nyama kutoka Afrika Kusini. Kwenye taarifa iliyotumwa na mkurugenzi wa afya ya umma Kepha Ombcaho, wafanyabiashara wametakiwa kuacha kuagiza bidhaa za kampuni ya Enterprise Food Production na Rainbow Chicken.
Aidha agizo hilo limetaka wafanyabiashara kurejesha bidhaa ambazo tayari vilikuwa vimeagizwa.
Imechukua zaidi ya mwaka mmoja kwa nchi ya Afrika kusini kugundua tatizo hilo.
Kwa mujibu wa shirika la habari la Reuters limesema kuwa Kumekuwepo na kesi 948 ya sumu ya Listeria nchini Afrika kusini ambalo Umoja wa Mataifa umeliita ni shambulizi kubwa kuwahi kutokea
Chanzo cha ugonjwa huo wenye sumu katika inaaminika kuwa umetoka katika kiwanda kilichopo Kaskazini mwa jiji la Polokwane, ambao unatengeneza vyakula vya aina mbalimbali.
Mkurugenzi mkuu wa kampuni ya Tiger, ambayo inamiliki viwanda hivyo alisisitiza jana kuwa "Hakuna uhusiano wowote" kati ya bidhaa anazozalisha na watu 180 waliokufa.
saHaki miliki ya pichaREUTERS
Image captionWanawake wajawazito wameshauriwa kutotumia nyama hizo pia
Kwa upande wake, Lawrence McDougall amesema kuwa kampuni yake walikuwa wametoa tahadhari ya kutazamwa upya kwa tangazo hilo la serikali.
Kampuni nyenza ya vyakula inayojulikana RCL nayo imekumbwa na tuhuma hizo hali iliyopelekea kusimamisha uzalishaji wa ayama.
Baada ya Mamlaka za Afya kuagiza kusitishwa kwa nyama hizo, maduka makubwa (supermarkets) ikiwemo Shoprite, Pick n Pay, Spar na Woolworths tayari zimeshaondoa bidhaa pamoja na hizo pamoja na bacon, na bidhaa nyingine za nyama za kusindikwa.
Baadhi ya wateja waliamua kurudisha bidhaa ambazo walikuwa wamenunua na kutaka kurudishiwa gharama zao.
Afisa mmoja wa Taasisi ya Taifa ya Magonjwa ya milipuko imeiambia gazeti la Times libe kuwa kumekuwepo na uhaba wa vipimo vinavyotumika kuangalia bakteria aina ya Listeria kwa muda wa wiki mbili katika kiwanda cha Polokwame
"Bakteria wa Listeria ni vigumu kugundulika kutokana na kujificha kwenye nyufa za viwanda"
Wateja waliokuwa wametunza bidhaa hizo aina ya Colony kwenye majokofu wameshauriwa kuziteketeza .
Listeria ni nini?
southHaki miliki ya pichaGETTY IMAGES
Image captionlisteriosis
•Inaweza kupatikana kwenye vyakula vilivyobeba bacteria aina ya listeria au kuwa karibu katika mashamba ya wanyama
•Inaweza patikana kwenye chakula ambacho hakijapakiwa , ikiwa ni pamoja na Sandwich na Pate
•Dalili zake ni pamoja na kuwa na joto kali, mafua, kuhara na kutapika
•Watu walioathirika wanaweza wasionyeshe dalili zozote, lakini kwa wazee na vijana wanakuwa katika mazingira magumu zaidi

Shepherd Bushiri: Nabii kutoka Malawi anayedai kutenda miujiza na kuwavutia maelfu ya waumini

Bushiri anasema utajiri wake unatokana na Biashara zake binafsiHaki miliki ya pichaECG MINISTRIES
Image captionBushiri anasema utajiri wake unatokana na Biashara zake binafsi
Watu wanapiga makofi, wanacheza, kuimba na kuruka wakati akielekea kwenye ukumbi, akiwa amezungukwa na walinzi. Lakini kwa nini wasifanye hivyo?
Huyu ni mwanaume anayesema kuwa ana dawa ya walioathirika na virusi vya Ukimwi, HIV, anawaponya vipofu, maskini wanakuwa matajiri, na wakati mmoja hivi karibuni anadaiwa kuonekana akitembea hewani
Nabii Mchungaji Bushiri alizaliwa na kulelewa mjini Mzuzu kaskazini mwa Malawi.
Siku hizi, hujaza viwanja vya michezo kwa maelfu ya watu walio wafuasi wake, wafuasi ambao wako tayari kusafiri hadi popote pale duniani kwa ajili ya kumtazama akihubiri yeye mwenyewe.
Amekuwa akitembelewa mara kwa mara na wageni kutoka Marekani, Uingereza hata bara la Asia.
Leo Bendera zao zinapepea kwa mbwembwe ndani ya ukumbi wa kanisa la Enlightened Christian Gathering (ECG). Maana ya jina la kanisa hilo ni Mkusanyiko wa Wakristo Walioongoka
Nakutana na mtu huyu anayefahamika kwa jina ''Mkuu'' ndani ya Kanisa mjini Pretoria Afrika Kusini.
Tulipokewa kuelekea mahala patakatifu, pakiwa pametandikwa kitambaa chekundu na zulia jekundu pembeni wamejipanga walinzi.
Kumponya mlemavu
Mhubiri huyu mwenye miaka kama 30 na zaidi hivi anafahamu fika kuhusu shutuma dhidi yake baadhi ya watu wakimuita msanii na mhubiri bandia, lakini amekua akizipuuzilia mbali haya yote.
''Kanisa langu si kwa ajili ya kila mtu, isipokuwa kwa wale wanaoamini," alinieleza.
''Mimi ni mjumbe wa kazi ya Mungu. Mungu huwaponya watu kwenye kusanyiko letu''.
''Kuna siku nilikuwa na madaktari hapa Pretoria walileta watu wenye virusi vya Ukimwi, waliwapima kabla kuthibitisha kuwa wameathirika. Niliwaombea na sasa hawana virusi tena."
Bidhaa za Nabii Bushiri 'mafuta ya muujiza huuzwa nje ya KanisaHaki miliki ya pichaECG MINISTRIES
Image captionBidhaa za Nabii Bushiri kama vile mafuta ya muujiza huuzwa nje ya Kanisa
Nje ya chumba, wafuasi wanakubaliana.
Wanaamini si tu mchungaji huyu kajazwa na nguvu ya utume, lakini pia ana nguvu ya kuponya wanaougua na kuwaombea watu kuwa na mafanikio.
''Miujiza na mafundisho ambayo baba yetu (Nabii Bushiri) hufundisha kila juma ni ya kustaajabisha,'' anasema Xolani Msibi (24).
Alisema dada yake alikuwa na shida ya kutembea na kuwa aliponywa na nabii ''bila hata kumuwekea mkono''
''Mwenyewe nimekuwa nikihangaika kupata kazi na nilikuja hapa nikapata kazi mbili kwa wakati mmoja ilikuwa suala la kuchagua tu''.
Wahubiri wengine wanaodai kufanya miujiza
Wanawake na wanaume wanaodai kufanya miujiza hawako Afrika Kusini pekee au Afrika pekee-wanapatikana katika maeneo mengi duniani.
Benny Hinn, Kiongozi wa Kanisa la Israel lililo na makazi yake nchini Marekani,Grace Copeland na Rienhard Bonnke wa Ujerumani, hao ni wachache tu.

'Baraka zimewavuta wafuasi wangu'

Kwa siku ya kawaida, Jumapili kanisani kwa Bushiri, watu takriban 40,000 hukusanyika kumsikiliza Nabii akihubiri, kisha hununua bidhaa zinazouzwa kanisani kama vile'' mafuta ya muujiza', kalenda, vibandiko vya mkononi na taulo zeye picha, fulana na kofia, vyote vikiwa na picha ya uso wake.
Wauzaji huwaambia wanunuzi kuwa bidhaa zote hizo zimeombewa na Bushiri mwenyewe na vina nguvu ya uponyaji.
Moja ya Ndege binafsi za Nabii BushiriHaki miliki ya pichaECG MINISTRIES
Image captionMoja ya ndege za kibinafsi za Nabii Bushiri
Kwa miaka mingi Bwana Bushiri amejipatia utajiri mkubwa.
Vipi kuhusu wanaohoji amepata wapi pesa zote hizo?
"Ubaguzi wa rangi huo," anasema.
Presentational grey line
Shepherd Bushiri ni nani?
Prophet Sherpherd BushiriHaki miliki ya pichaECG MINISTRIES
  • Ni "nabii" mzaliwa wa Malawi aliye na makanisa mataifa mengi Afrika, miongoni mwake Ghana na Afrika Kusini
  • Anadaiwa kupigwa marufuku Botswana kutokana na "pesa za mwujiza"
  • Anadai kwamba amewatibu watu wenye Ukimwi
  • Alidaiwa kutembea angani kwenye video iliyosambazwa sana mitandao ya kijamii
  • Ana ndege nne za kibinafsi
Presentational grey line
Hakuna hasa rekodi ya utajiri wake wote lakini inafahamika amekuwa akipata faida kwenye migodi kadhaa na anamiliki ndege binafsi na hoteli kadhaa kwa jina la kampuni yake ya uwekezaji Shepherd Bushiri Investments, makao makuu yake yakiwa Johannesburg.
Suala la yeye kupata utajiri huo kwa madai ya ujasiriamali haliaminiki
Mwenyewe alisema ''Mimi ni mfanyabiashara. Hiyo ni kando na kuwa Nabii. Mafanikio yamekuja kutokana na biashara zangu binafsi.
"Maswali ya namna hiyo hayaulizwi viongozi wa makanisa ya Wazungu, lakini Mwafrika akifanikiwa ni tatizo."
Kisha kidogo anaonyesha kuchukizwa, anaongeza ''inakuwaje kuuza bidhaa kanisani mwangu iwe tofauti na kanisa katoliki kuuza Rozari na makanisa ya Uingereza kuuza Biblia? hii si sawa."
"Kufanikiwa kwangu ni kioo kwa wafuasi wangu. Wanafikiri kama Mungu anaweza kunitendea mimi, anaweza kuwatendea wao pia. Kama waliamini kuwa kuna shida kwenye hilo basi wasingenifuata''.

Kupokea vitisho

Amekuwa akipokea vitisho kwa wale wanaomuona kuwa mshindani wao, wengine wamekuwa na wasiwasi namna ambavyo watu wamekuwa wakitumia pesa kwenye kanisa.
Kumekuwa na sheria nchini Afrika Kusini kuhusu makanisa ya kisasa, nako nchini Botswana Kanisa la Bushiri limefungwa kutokana na kutumia ''pesa za muujiza'' ambako kunakiuka sheria za matumizi ya pesa nchini humo.
Nabii Bushiri ana maelfu ya wafuasi, hapa walikusanyika kwenye uwanja wa watu 95,000Haki miliki ya pichaECG MINISTRIES
Image captionNabii Bushiri ana maelfu ya wafuasi, hapa walikusanyika kwenye uwanja unaotoshea watu 95,000
Thoko Mkhwanazi-Xaluva ni mkuu wa Tume ya kulinda tamaduni, dini na lugha ndani ya jamii. Hivi karibuni alitoa ripoti kuhusu kuchipuka kwa makanisa mengi ambayo yamekuwa maarufu barani Afrika.
"Tumegundua kuwa baadhi ya makanisa yamekuwa yakijipatia faida kutokana na bidhaa za imani zinazonunuliwa na watu maskini wenye shauku ya kubadilisha maisha yao kuwa mazuri," anaeleza
Ripoti hiyo imeeleza zaidi kuwa kuna vitendo vinavyofanywa visivyo salama kwa waumini kama vile kula Panya, Nyoka, Majani na kunywa mafuta ya petroli kuwapima imani yao.
Pia kumekuwa na shutuma za udhalilishaji wa kijinsia kwa baadhi ya makanisa.
Hata hivyo Mkuu huyo anasema suala la dini ni uamuzi wa mtu mwenyewe.

Wachungaji 6 wa baadhi ya makanisa yaliyofungwa Rwanda wakamatwa

Makanisa zaidi ya 700 yamefungwa
Image captionMakanisa zaidi ya 700 yamefungwa
Polisi nchini Rwanda imetangaza kuwatia kizuizini wachungaji 6 na viongozi wa makanisa kutoka baadhi ya makanisa yaliyofungwa kwa amri ya serikali ya nchi hiyo.
Wiki iliyopita serikali ya nchi hiyo iliamrisha kufungwa kwa makanisa zaidi ya 700 kwa madai ya kutotimiza kanuni za ujenzi wa makanisa yao.
Miongoni mwa waliokamatwa ni kasisi Askofu Innocent Rugagi, kiongozi wa kanisa la "Abacunguwe" ambaye ni mojawapo ya wachungaji mashuhuri nchini Rwanda.
Polisi inawashutumu kwa kufanya mikutano ya siri kukaidi uamuzi wa serikali.
Baadhi ya makanisa yamekuwa yakifanya ibada kwenye mahema
Image captionBaadhi ya makanisa yamekuwa yakifanya ibada kwenye mahema
Ni hivi karibuni serikali iliyapiga marufuku makanisa zaidi ya 700 kwa kukosa miundo mbinu msingi na yalituhumiwa kusababisha kelele nyingi .
Askofu Rugagi alisikika akishutumu kile alichokitaja kuwa uamuzi wa ghafla kuyafunga makanisa bila ya ilani ya kutosha.
Wachungaji hao wamekamatwa baada ya rais Paul Kagame wiki iliyopita kushutumu wazi kile analichokitaja kuwani idadi kubwa ya makanisa haramu nchini.
Kiongozi huyo aliuliza iwapo makanisa hayo, kwa maneno yake, yana manufaa yoyote kuwepo.
Paul KagameHaki miliki ya pichaAFP
Image captionPaul Kagame
Ameendelea kusema kuwa yanasababisha tishio kwa usalama.
Jumla ya makanisa 700 yamefungwa, mengi yakiwa ni makanisa madogo madogo yaliyoanzishwa hivi karibuni.
Kulingana na bodi ya taifa hilo inayohusika na uongozi, makanisa yanatakiwa kufwata taratibu za ujenzi wenye miundo msingi stahiki na shahada ya elimu ya theolojia kwa wachungaji.
Rwanda inajadili sheria mpya ambayo itahusu mashirika yenye misingi ya imani na dini yanayo endeshwa na wahubiri kuwa wahubiri hao lazima wawe na shahada za elimu ya theolojia.
Kwa sasa polisi wanasema bado wanafanya uchunguzi wa kina.

Ripoti ya Unicef: Tanzania ni ya tatu kwa ndoa za utotoni Jumuiya ya Afrika Mashariki

tz
Image captionMimba za utotoni na athari za watoto shuleni
Shirika la Umoja wa Mataifa linaloshughulikia masuala ya watoto, Unicef limesema kuwa kuna mafanikio makubwa ya kupungua kwa ndoa za utotoni duniani.
Shirika hilo la Unicef limekadiria kuwa ndoa za utotoni zipatazo milioni 25 zimeweza kuzuiliwa katika muongo iliyopita.
Kwa sasa ni msichana mmoja kati ya watano anaolewa chini ya miaka 18 tofauti na miongo iliyopita ambapo ilikuwa msichana mmoja anaolewa kati ya wanne.
Shirika hilo la watoto limesema Kusini mwa nchi za bara la Asia wamejitahidi zaidi katika kupunguza ndoa za utotoni.
Anju Malhotra, mshauri wa masuala ya jinsia kutoka Unicef anasema haya ni mabadiliko mazuri katika maisha ya wasichana wote duniani hivyo upunguaji wa vitendo hivyo hata kwa kiwango kidogo ni habari njema ingawa bado kuna safari ndefu ya kutokomeza ndoa hizo za utotoni.

Hali ikoje nchi za Afrika Mashariki na mataifa mengine ya karibu?

Kwa mujibu wa takwimu za Unicef za kati ya mwaka 2010 na 2017, Tanzania ni ya tatu kwa kuwa na viwango vya juu vya ndoa za utotoni baada ya Sudan Kusini na Uganda.
Sudan Kusini kiwango cha watoto wa chini ya miaka 18 wanaoozwa ni asilimia 52 na nchini Uganda ni asilimia 40. Tanzania ni asilimia 31.
Nchini Kenya, ni watoto asilimia 23 wanaoozwa kabla ya kutimiza miaka 18.
Ripoti hiyo imeeleza kuwa nguvu kubwa ya kutokomeza tatizo hili la ndoa za utotoni ilihamia Afrika,ambapo jitihada zaidi zilihitajika ili kupunguza tatizo hilo.
Umoja wa Mataifa huchukulia ndoa za watu wa chini ya miaka 18 kuwa ukiukaji wa haki za kibinadamu.
ndoaHaki miliki ya pichaGETTY IMAGES
Image captionNdoa za utotoni
Kwa sasa ripoti inaelezwa kuwa ndoa moja ya utotoni inafungwa kati ya ndoa tatu katika nchi za kusini mwa jangwa la sahara wakati miongo iliyopita ilikuwa ndoa utotoni moja kati ya ndoa tano za utotoni.
Hata hivyo jitihada za matokeo ya mabadiliko haya ni kutokana na kampeni nyingi zilizofanywa duniani ingawa bado changamoto zipo katika kufikia lengo hilo.

Uhamasisho zaidi unahitajika Tanzania:

Hivi karibuni shirika la kiraia la Equity Now lilifanya utafiti nchini Tanzania ambapo bado sheria ya ndoa ya nchini humo haijaweka wazi juu la suala la kutetea ndoa za utotoni.
Shirika hilo lilifanya utafiti mkoani Kilimanjaro na kubaini kuwa tatizo kubwa linatokana na watoto kushindwa kulindwa na jamiii kwa ujumla na vilevile wahusika wakuu wa ndoa hizi za utotoni ni jamaa wa karibu na ndugu katika familia.
Bi Florence Machio mhamasishaji wa haki za watoto kutoka Equity Now anasema, yeye alifanya utafiti huo kwa kufanya mazungumzo na watoto wenye umri kati ya 11 na 18 kutoka shule mbalimbali na lengo lilikuwa ni kuondoa fikra ya mila na desturi za kiafrrika ambazo, watoto wenyewe hawapewi nafasi ya kueleza matatizo yao wakati wao ndio walengwa.
tzHaki miliki ya pichaAFP
Image captionElimu kwa watoto inapunguza ndoa za utotoni
Na Florence anasema maswali mengi waliuliza kwa kuandika na inaonekana kuwa hawana ueleo mkubwa juu ya matatizo wanayokumbana nayo na namna ya kutafutia suluhisho, kwa mfano kuna mtoto aliuliza je ,kama wazazi wangu wamenilazimisha kuolewa nikienda kutoa taarifa polisi na yeye ataenda wapi na hatima ya maisha yake yatakuwaje?
Anasema mara nyingi watunga sera au wanaopigania haki za watoto hawawaulizwi watoto wanasemaje juu ya changamoto zinazowakabili.
Nichodemas Shauri kutoka mtandao wa elimu Tanzania, yeye anasema taarifa ni tatizo na miongoni mwa masuala muhimu ambayo ni jukumu la walimu kuwafundishwa masuala ya kijamii na stadi za maisha ili watoto waweze kukabiliana na changamoto ambazo wanazokutana nazo za mimba ya utotoni.
Watoto wana imani kubwa kutoka kwa walimu zaidi ya wazazi wao ,hivyo kuna umuhimu kwa mfumo wa elimu kuweka jitihada zaidi hata katika mafunzo ya walimu ili kuwawezesha watoto kuwa na ueleo kwa kuwa waathirika wakubwa ni watoto wa kike ambao sio wao wa kulaumiwa ila mfumo mzima unaleta athari katika kulinda usalama wa ukuaji wa watoto.
Aidha viongozi duniani wamejizatiti katika malengo ya maendeleo endelevu ya umoja wa mataifa kutokomeza ndoa za utotoni ifikapo mwaka 2030.