Saturday, March 10

Mwandishi wa Uganda ajishindia tuzo kubwa kabisa duniani ya uandishi

Jennifer Nansubuga MakumbiHaki miliki ya pichaMARK RUSHER
Image captionMwandishi wa vitabu ,Jennifer Nansubuga Makumbi
Wachapishaji wa vitabu nchini Uingereza walikataa kuchapisha riwaya za mwandishi wa Uganda ambaye makazi yake ni Manchester Uingereza lakini sasa ameweza kujishindia moja ya tuzo kubwa kabisa duniani ya uandishi.
Jennifer Nansubuga Makumbi ni mwandishi ambaye alitoka nchini Uganda miaka 17 iliyopita na kuhamia Uingereza .
Makumbi ameweza kujishindia tuzo za Windham Campbell yenye thamani ya dola 165,000 kutoka kutoka chuo kikuu cha Yale kilichopo nchini Marekani.
Makumbi amesema ushindi huu umemshangaza ingawa huwa anafanya kila kitu muhimu katika uandishi wake.Mwandishi huyo anasema kiasi hicho cha fedha ni muda mrefu umepita hajawahi kukishika.
Fedha iliyotolewa katika tuzo hii ni mara mbili ya kiasi cha fedha kinachotolewa kwa mshindi wa Booker Prize na waandaaji wanasema tuzo hii ni kubwa zaidi katika uandishi wa vitabu baada ya Noble Prize.
Makumbi ni mmoja kati ya washindi wanane waliopokea tuzo za Windham Campbell kwa mwaka huu katika uandishi wa riwaya za kubuni ,uhalisia ,maigizo na ushairi na yeye ni mshindi pekee aliyechapisha kazi moja kamili ya muda mrefu.
Waandishi wengine kutoka Uingereza waliokuwa kwenye orodha wote wakiwa wanaandika simulizi zenye uhalisia walikuwa ni Sarah Bakewell na Olivia Laing.
Tuzo hizo zilizoanzishwa na Donald Windham na kubeba jina lake pamoja na mshirika wake Sandy M Campbell na tuzo za kwanza zilianza kutolewa mwaka 2013 na kuwapa waandishi fursa ya kuzingatia kazi zao wakiwa huru bila changamoto za kifedha.
Makumbi anasema taarifa hii ya kupata tuzo hakuitarajia kwa kuwa inaandaliwa na wamarekani na kwa kawaida huwa wanapata vitabu vingi, "Ninashangaa kuwa miongoni mwa washindi"alisema.
MakumbiHaki miliki ya pichaIMAGE COPYRIGHTONEWORLD PUBLICATIONS
Image captionKitabu cha Makumbi
Toleo la riwaya yake ya kwanza ,Makumbi aliichapisha nchini Kenya miaka minne baada ya wachapishaji wa Uingereza kukataa kuchapisha kitabu chake cha "Too African"na baadae januari mwaka huu kitabu hicho kilizinduliwa nchini Uingereza.
Mwandishi alisema wachapishaji na wasomaji wa Uingereza wanapenda kusoma vitu ambavyo vinaendana na tamaduni zao za ulaya au ambazo wamezizoea hata kama wanasoma simulizi kuhusu Afrika.
Lakini amekielezea kitabu cha" Kintu" kuwa kinazungumzia Uafrika halisi.
Kitabu hiki kimeangazia hadithi ya simulizi za famila moja ya Uganda ambayo waliamini kuwa walilaaniwa kwa zaidi ya miaka 250.
Mwandishi huyo anasema namna ambavyo ameandika kitabu chake wasomaji walikuwa hawajauzoea ila sasa anaamini wataanza kumuelewa.
Kama ninataka kuitambulisha Afrika lazima niieleze katika mrengo wa kiafrika badala ya kuwaambia vitu ambavyo wanatarajia kuwa wanavijua .

Wakimbizi wa Burundi waikimbia DRC na kuingia Rwanda

Kambi ya Nyarushishi ambapo wakimbizi hao wamekimbilia
Image captionKambi ya Nyarushishi ambapo wakimbizi hao wamekimbilia
Wakimbizi zaidi ya elfu 2500 wa Burundi waliokuwa katika kambi ya Kamanyola Jamuhuri ya Kidemokrasia ya Congo tangu Jumatano wamekimbilia nchini Rwanda kwa kile ambacho wanasema ni kuhofia usalama wao.
Wanapinga utaratibu wa kisasa unaotumiwa wa kusajili wakimbizi kwa kunasa alama zao za vidole.
Wakimbizi hao wanasema hawatakubali kuishi katika nchi yoyote inayotumia mfumo huo wa usajili kwamba ni kinyume na imani yao.
Rwanda pia hutumia mfumo huo na tayari ilikuwa imeanza kuwasajili wakibizi wa Burundi waliotangulia kuhamia nchini humo.
Mwandishi wa BBC Yves Bucyana amewatembelea katika kambi ya Nyarushishi magharibi mwa nchi hiyo ambako wamepokelewa kwa muda.
Wakimbizi wapatao elfu 2,553 ndio tayari wameletwa katika kambi hii ninakosimama hivi sasa.
Ni kambi iliyojengwa kwa nyumba za kisasa kiasi kwamba wanapata sehemu nzuri ya kujikinga mvua au jua.
Tangu asubuhi nilipofika hapa nimeshuhudia vikao ambavyo bado vinaendelea baina ya shirika la umoja wa mataifa la wakimbizi UNHCR na wawakilishi wa wizara ya Rwanda inayohusika na maswala ya wakimbizi.
Waandishi wa habari hawakuruhusiwa kuhudhuria vikao hivyo wala kuwasogelea wakimbizi ndani ya kambi,lakini nje ya kambi tayari nilikuwa nimezungumza na mmoja wao mzee Charles Ntagwarara kuhusu sababu hasa zilizowafanya kukimbilia katika nchi ya tatu:
"Monusco na serikali ya Congo walitushinikiza kukubali tusajiliwe kwa mtindo wa kisasa wa kunasa picha na ishara za vidole ili tupate kitambulisho rasmi kwamba sisi ni wakimbizi.
Hii ni kinyume na imani yetu kwani ni miaka 30 tangu Bikra Maria kutangaza kwamba shetani atapitia katika mambo mengi miongoni mwake ni mtindo huo.ni shetani ambaye ameingilia katika mambo hayo ya kisasa.''
Wakimbizi
Rwanda ni nchi ambayo tayari inatumia mfumo huu wa kielectroniki kuwasajili wakimbizi,ikiwa mwezi uliopita lilianza zozezi la kuwasajili wakimbizi wa Burundi ambao wamemaliza zaidi ya miaka 2 wakiwa nchini hapa.Nimetaka kujua watafanyaje kwa sababu wanaangukia katika nchi ambayo tayari inatumia mfumo wa usajili ambao hawataki?Mzee Charles Ntagwarara tena:
"Sisi hatuwezi kukubali mambo haya. Dunia ina nchi zaidi ya 200.si unaona kwamba tuko nchini Rwanda? Sisi tunatafuta nchi ambayo itakubali kutupokea pasipo kutusajili kwa kutumia utaratibu huo. Nchi ambayo itatwambia kwamba haitanasa ishara za vidole vyetu tutaishi humo.hata vyakula au madawa ambayo hayamo katika imani zetu hatuwezi."
Muda niliokaa hapa kambini nimeambiwa pia kwamba wakimbizi hawa hutumia baadhi ya vyakula vyao maalumu ambao sikuweza kujua; kadhalika kutokana na imani yao siyo kila dawa wanayokubali nikiambiwa kwamba wanao wahudumu wao wa afya wanaoshirikiana na watu wa msalaba mwekundu waliopo hapa na mashirika mengine ya misaada.Kilicho wazi hadi kufikia sasa wakati tunasubiri msimamo wa serikali ni kwamba wao bado wanachukuliwa kuwa ni wahamiaji wanaotafuta ukimbizi nchini Rwanda.

Habari za uzushi zinasambaa zaidi ya za kweli

Taarifa za uzushi usambaa zaidiHaki miliki ya pichaGETTY IMAGES
Image captionTaarifa za uzushi usambaa zaidi
Utafiti kuhusu taarifa za uzushi zipatazo 126,000 zilizoandikwa katika mtandao wa kijamii wa Twitter katika miaka zaidi ya 11, zimebainika kuwa ziliweza kusambaa kwa haraka na kuwafikia watu wengi zaidi ya taarifa za ukweli.
Utafiti huo ulifanywa na chuo cha tekinolojia cha Massachusetts.
Watafiti hao wanasema habari zisizo za kweli huwa zina mfanano wa kuvutia kama simulizi za hadithi ndio maana watu wengi huvutiwa kuzisikiliza au kusoma.
Utafiti umeonyesha kwamba taarifa za uongo za kisiasa ndio husambaa zaidi ya taarifa nyingine.
Na taarifa nyingine za uongo zinazosambaa zaidi ni ambazo zinahusiana na habari za miji mikubwa,biashara,ugaidi ,sayansi ,burudani na majanga ya asili.
Aidha mhadhiri wa chuo kikuu cha Edge Hill University kilichopo Lancashire, Mwanasaikolojia Geoffrey Beattie ameiambia BBC kuwa inategemea na wadhifa wa mtu anayetuma kwa wengine ambao hawajasikia taarifa hiyo kabla bila kujali kuwa ni ujumbe wa kweli au wa uongo.
''Watu wanataka kupata taarifa ambazo zinaaminika kuwa nani kasema hivyo suala la ukweli wa taarifa hiyo huwa hauangaliwi sana"
Taarifa za kizushi zisizothibitishwa huwa zinavutia hivyo watu kuhofia kuwa ni za kweli au la, huwa ni jambo la mwisho kulizingatia.
Suala la taarifa za uongo kupendwa zaidi sio katika mitandao ya kijamii peke yake bali hata kwenye maisha ya binadamu ya kila sikuHaki miliki ya pichaAFP
Image captionSuala la taarifa za uongo kupendwa zaidi sio katika mitandao ya kijamii peke yake bali hata kwenye maisha ya binadamu ya kila siku
Padre Maziku Leonis mwanasaikolojia kutoka chuo kikuu cha Mtakatifu Agustino nchini Tanzania anasema taarifa zisizo za kweli husambaa haraka kutokana na uvivu wa watu, kupenda kusikiliza vitu rahisi ambavyo havijafanyiwa utafiti.
Maziku anasema akili ya binadamu imegawanyika katika sehemu tatu ;kwanza binadamu wanapenda kupata taarifa ambayo inamfurahisha kwa haraka, pili binadamu anapenda kuhoji na mwisho kupata taarifa iliyo kamilifu.
Ila watu wengi uchagua kutumia sehemu ya kwanza ambayo inampa raha ya muda kwa muda mfupi kwa sababu ya uvivu wa kufikiri au kuhoji ma kutofanya utafiti.
Mwanasaikolojia huyo anaamini kuwa ulimwengu wa sasa hauwezi kwenda vizuri kama watu hawana au hawatumi elimu ya sayansi ambayo itawasaidia kutenganisha ukweli na uongo.

Wanawake DRC wanapigania haki zao kumiliki ardhi

Women survivors of rape in DRC
Wanawake wanaoishi vijijini huko Jamhumuri ya Kidemokrasi ya Kongo, hawana haki ya urithi wa mali pamoja na ardhi iliyoachwa na wazazi wao au waume zao.
Na hii inatokana na mila na desturi zao zinazomtambua mwanaume kama mrithi pekee wa Ardhi.
Wanaharakati wa haki za wanawake nchini humo wako katika jitihada za kuwaelimisha jamii kuhusiana na madhara ya mila hizo.
Wanaweke wanaoishi vijijini katika jimbo la Congo central hawana haki ya urithi mali au ardhi ya wazazi au waume zao.
Mila ya jimbo hilo inapinga kabisa kumpa mke urathi.
Licha ya kwamba marehemu babake na mume wake walimiliki hekta nyingi za ardhi, Anny mambweni haruhusiwi kurithi mali hiyo.
Image captionLicha ya kwamba marehemu babake na mume wake walimiliki hekta nyingi za ardhi, Anny mambweni haruhusiwi kurithi mali hiyo.
Katika shamba la mama Anny mambweni, anajaribu kuondosha majani shambani .
Mjane huyu wa miaka 48 ametupika sana, ana watoto watano.
Huku jasho likimtiririka usoni anaonekana akishughulika katika shamba lake - ardhi alioikopesha.
Licha ya kwamba marehemu babake na mume wake walimiliki hekta nyingi za ardhi, mila na desturi haimrusu kurithi mali hiyo.
Anny anasema ana haki kama ndugu zake wa kiume kurithi mali hiyo ilioachwana marehemu babake, lakini nduguzangu wakiume walikataa kumpa hata kipande cha ardhi.
'Eti mwanamke hana haki ya kupewa urithi. Tizama hapa, nimelazimika kuilipa ardhi hii ninayolima ilhali babangu aliacha pori kubwa na ardhi.
Women villagers in South Kivu, DRC
Tizama, na teswa kabisa mimi na watoto wangu, nadhani mila kama hio ni mila ambayo inastahili kufutwa kwani haiku ambatana na sheria' anasema Anny.
Mkuu wa kijiji hicho bwana Zuanikibeni Bungalo anasema ni vigumu kwa mila kubadilishwa.
'Mwana mke atabaki kuwa mwanamke tu, unajuwa mwanamume ndio ataendesha kizazi na yeye tu ndiye anayestahili kupewa urithi wa jamaa, hatuwezi kukiuka mila yetu ata siku moja' amesema Bungalo.
Lakini sauti zimeanza kupazwa sasa ili kuukataa utamaduni huu.
Alphonsine Ponga ni mwanaharakati wa kutetea haki za akina mama katika kijiji cha Mbaza Ngungu.
Yeye pia alikuwa mwathirika wa utamaduni huu.
'Wanawake wengi hapa wanaogopa sana, hawapendi tufuatilie swali hilo, hilo ndio tatizo.
Nimewaeleza hio ni haki yetu, ni lazima tusimame, na kama umeona tatizo hilo nenda ukashtaki mahakamani'.
Ponga ameeleza kwamba sheria ya Congo haina ubaguzi katika suala la urithi. Lakini katika hali kawaida , ni mila ndo imeendelea kukithiri zaidi ya sharia ya nchi hasa katika maeneo ya vijijini.

Trump afanya maamuzi mwenyewe kukutana na kiongozi wa Korea kaskazini

Rais Kim Jong Un kukutana na TrumpHaki miliki ya pichaAFP
Image captionRais Kim Jong Un kukutana na Trump
Rais Trump ameandika kwenye ukurasa wake wa mtandao wa kijamii wa Twittter kuwa makubaliano na Korea Kaskazini yapo kwenye mchakato wa kutekelezeka ,
siku moja baada ya kukubali kukutana na kiongozi wa Korea Kaskazini Kim Jong-un.
Ingawa mpaka sasa Korea Kaskazini haijatoa tamko lolote.
Aidha Makamu wa rais wa Marekani Mike Pence amesema uamuzi wa Korea Kaskazini kutaka kukutana na rais wa Marekani Donald Trump unathibitisha kuwa mpango wa kuitenga Korea Kaskazini unafanya kazi.
Hata hivyo makuliano ya mkutano huo wa kihistoria uliwashangaza waangalizi.
Lakini badae ikulu ya white house ya Marekani imesema mkutano huo hauwezi kufanyika mpaka Korea Kaskazini ichukue hatua thabiti kabla ya mkutano wowote.
Mwezi mmoja tu uliopita ,rais Trump na kiongozi wa Korea Kaskazini Kim Jong-un walikuwa wana malumbano makali.
Lakini sasa rais Trump amekubali kuhudhuria mkutano huo alioalikwa licha ya kuwa mwaliko huo uliletwa na Korea kusini.
Vyombo vya habari vya Marekani vinataarifu kuwa rais Trump alifanya maamuzi ya kuhudhuria mkutano huo bila kupata ushauri wowote katika utawala wake.
Waziri wa mambo ya nje wa Marekani Rex Tillerson ambaye yuko kwenye ziara yake ya kwanza barani Afrika amethibitisha kuwa maamuzi hayo yalikuwa ya Trump peke yake na yeye hakufahamu lolote juu ya hilo licha ya kuwa walikuwa na mazungumzo kabla ya tangazo hilo kutolewa.
Ingawa ujumbe huo wa kukaribishwa kwa Trump umekuwa unajichanganya kwa kuwa katibu wake Trump Sarah Sander aliwaambia waandishi wa habari kuwa Korea Kaskazini imehaidi kusitisha mpango wake wa nuklia na wamekubali kufanya hivyo kabla ya mkutano huo.
Trump atakuwa kiongozi wa kwanza wa Marekani kukutana na kiongozi wa Korea Kaskazini kama mkutano huo utaafikiwa kwa kuwa hakuna kiongozi wa Marekani aliyewahi kukutana na kiongozi wa Korea kaskazini .

Magufuli aonya wanasiasa dhidi ya maandamano Tanzania

Dkt MagufuliHaki miliki ya pichaIKULU, TANZANIA
Rais wa Tanzania Dkt John Magufuli amewaonya vikali watu wanaopanga kufanya maandamano nchini humo akisema kwamba hawataruhusiwa.
"Wapo watu wangependa nchi hii kila siku tuwe na migogoro," amesema Dkt Magufuli.
"Wapo watu ambao wameshindwa kufanya siasa za kweli, wangependa kila siku tuko barabarani tunaandamana. Watu wao wanahamia huku, wao wanataka wabaki wanaandamana kule.
Nitasema ngoja waandamane wataniona. Kama kuna baba zao wanawatuma, watakwenda kuwasimulia vizuri."
"Niliapa kwa katiba kwamba nchi hii lazima iwe ya amani."
Dkt Magufuli amesema mambo yameanza kuimarika nchini Tanzania na kwamba taifa hilo linaendelea kwenye njia nzuri.
Magufuli
"Maneno huwa ni mabaya, na maneno saa nyingine huwa yanaumba," amesema, na kuwahimiza Watanzania wawe "wazalendo".
Dkt Magufulia amekuwa akishutumiwa na vyama vya upinzani na makundi ya kutetea haki za kibinadamu nchini humo kwa kukandamiza demokrasia, tuhuma ambazo amezipinga.
Dkt Magufuli leo amekuwa eneo lake la nyumbani la Chato, mkoani Geita kaskazini Magharibi mwa nchi hiyo ambapo pia ameiagiza Benki Kuu ya Tanzania (BOT) kuendelea kuchukua hatua ikiwa ni pamoja na kuzifungia benki ambazo zinaendeshwa kwa kusuasua ili kulinda sekta ya benki na uchumi wa nchi hiyo ya Afrika Mashariki.
"Benki itakayoshindwa kujisimamia ifungeni, ni afadhali tuwe na benki chache zinazofanya vizuri kuliko kuwa na utitiri wa benki ambazo hazifanyi vizuri," amesema.
"Kulikuwa na mchezo benki ikishindwa kujisimamia Serikali inatoa fedha za wananchi na kwenda kuipatia mtaji, matokeo yake huko ndiko wajanja walikuwa wanakula fedha za wananchi kwa kukopa na kutorudisha mikopo, naomba niwaeleze mimi sitatoa fedha kuipatia benki inayoshindwa kujisimamia" ameeleza.

Tillerson asitisha shughuli alizopanga kufanya Kenya leo baada ya kuugua

Tillerson augua nchini KenyaHaki miliki ya pichaAFP
Image captionTillerson augua nchini Kenya
Waziri wa mambo nje wa Marekani, Rex Tillerson amesitisha shughuli alizokuwa anapaswa kufanya nchini Kenya kutokana na hali yake ya kiafya kutokuwa nzuri.
Hakuna ishara yeyote inayoainisha kuwa kiongozi huyo mwenye umri wa miaka 65 anasumbuliwa na tatizo kubwa la kiafya.
Msemaji wake amesema,Tillerson amekuwa kwenye ratiba ngumu katika ziara yake ya Afrika wakati huo huo akitumia muda mwingi kwenye mazungumzo ya simu kufuatilia kazi nyingine nchini mwake kama vile suala la Korea Kaskazini.
KenyattaHaki miliki ya pichaAFP
Image captionTillerson alipokutana na rais Uhuru Kenyatta
Maasifa wamesema watahairisha baadhi ya ratiba ambazo bwana Tillerson alikuwa ameweka ikiwa ni pamoja na safari yake ya kwenda kuona eneo ambalo ubalozi wa Marekani ulikuwa umelipuliwa mwaka 1998.
Rex Tillerson amekuwa katika ziara ya mataifa matano ya Afrika tangu siku ya jumatano akiwa ameanzia Ethiopia na sasa yuko Kenya kwa siku ya pili.

Magufuli aifumua Ofisi ya Mwanasheria Mkuu wa Serikali



Rais John Magufuli
Rais John Magufuli 
Dar es Salaam. Rais John Magufuli ameifumua Ofisi ya Mwanasheria Mkuu wa Serikali (AG) na kuanzisha ofisi mbili huru zitakazosimamia mashauri ya jinai na madai ambayo Serikali ina masilahi nayo.
Mabadiliko hayo ambayo yametangazwa hivi karibuni kupitia notisi za Serikali namba 48, 49 na 50, yameeleza muundo mpya wa ofisi hiyo kwa kuanzisha Ofisi ya Mkurugenzi wa Mashtaka ya Jinai na ile ya Wakili Mkuu wa Serikali.
Japokuwa ofisi hizo mpya zitakuwa chini ya Ofisi ya Mwanasheria Mkuu wa Serikali, mamlaka yake katika kuteua, kuadhibu na kuwasimamia maofisa na wafanyakazi wanaofanya kazi chini ya ofisi hizo yameondolewa.
Chini ya muundo mpya, AG anabaki kuwa mshauri mkuu wa Serikali katika masuala ya kisheria na kiutawala, naibu AG atakuwa mkuu wa ofisi ya Mwanasheria Mkuu.
Mabadiliko hayo ni hitimisho la mchakato wa miaka mingi wa mawazo ya wataalamu wa sheria waliopendekeza kutenganishwa kwa jukumu la kusimamia masuala ya madai na yale ya jinai kutoka kwenye usimamizi wa moja kwa moja wa AG.
Masuala hayo sasa yanawekwa chini ya udhibiti wa moja kwa moja wa wakili mkuu wa Serikali na ofisi ya mkurugenzi wa mashtaka ya jinai.
Mabadiliko hayo pia yanayaweka mambo yote ya kisheria ambayo si ya kimahakama yanayohusiana na Katiba na haki za binadamu chini ya waziri mwenye dhamana ya katiba na masuala ya sheria.
Ibara ya 36 (1) ya Katiba ya Jamhuri ya Muungano wa Tanzania, inampa Rais mamlaka ya kuanzisha na kufuta nafasi za madaraka ya namna mbalimbali katika utumishi wa Serikali ya Muungano.
Kwa mujibu wa mabadiliko hayo, Mkurugenzi wa Mashtaka (DPP) ndiye ataongoza Ofisi ya mkurugenzi wa mashitaka ya jinai.
Ofisi yake itachukua na kuendesha kesi zote za jinai kwa niaba ya Serikali Kuu, idara zake zinazojitegemea, wakala Serikali na Serikali za Mitaa.
Pamoja na kuwasimamia maofisa wa sheria na mawakili wa Serikali walio chini yake, DPP ataratibu na kusimamia uchunguzi wa kesi za jinai na kuendesha mashtaka ya jinai mahakamani.
Kwa upande mwingine, Ofisi ya Wakili Mkuu wa Serikali itakuwa huru na inayojitegemea mbali ya Ofisi ya Mwanasheria Mkuu wa Serikali. Ofisi hii imeundwa ili kuongeza uwezo wa Serikali katika kuendesha mashauri ya madai yakiwamo ya haki za binadamu na masuala ya kikatiba katika mahakama.
Kama ilivyo kwa DPP, Ofisi ya Wakili Mkuu wa Serikali itachukua na kusimamia mashauri ya jinai na upatanishi kwa niaba ya Serikali, hivyo kutoa maelekezo kwa maofisa wa sheria, mawakili wa Serikali wanaoendesha masuala ya jinai.
Mwanzoni mwa mwezi uliopita, Rais Magufuli alitoa kauli iliyoashiria mabadiliko makubwa katika Ofisi ya Mwanasheria Mkuu na ile ya DPP baada ya kueleza kutoridhishwa ya utendaji wa ofisi hizo.
“Sitalalamika tena ninajua nitakavyofanya kwa sababu nimeshajifunza vya kutosha,” alisema Rais Magufuli alipohutubia katika kilele cha maadhimisho ya Siku ya Sheria nchini.
Alianza kwa kuwapa pole majaji kwa changamoto wanazokumbana nazo pindi wanapo shughulikia mashtaka yanayopelekwa na Serikali na kuahidi kulifanyia kazi jambo hilo kabla ya Februari kuisha.
Rais Magufuli alisema bado kuna tatizo kubwa katika ofisi ya DPP na AG ambalo wakati mwingine huwapa majaji changamoto kubwa.
“Najua mnapata shida sana mnapo-deal (mnaposhughulika) na mashtaka yanayoletwa na Serikali, mnauona kabisa ushahidi upo lakini watetezi hawajitokezi hadharani kuutetea.
“Mwaka jana nililalamika lakini mwaka huu nitalishughulikia vizuri. Sitalalamika tena ninajua nitakavyofanya kwa sababu nimeshajifunza vya kutosha na nimejua wapi kuna ‘weakness’ (udhaifu) na wala huu mwezi wa Februari hautoisha.”