Saturday, March 31

Mwanamume apatwa na 'kisonono kibaya duniani'

Mwanamume aliyepatikana na ugonjwa wa kisononoHaki miliki ya pichaGETTY IMAGES
Image captionMwanamume aliyepatikana na ugonjwa wa kisonono
Mwanamume mmoja nchini Uingereza amesemekana kuwa na kesi "mbaya zaidi" duniani ya ugonjwa wa Kisonono.
Alikuwa na mpenzi mmoja nchini Uingereza lakini alipata bakteria hiyo baada ya kujamiana na mwanamke mmoja kutoka Kusini Mashariki mwa Asia.
Madaktari wa afya huko Uingereza wamesema kwa mara ya kwanza kwamba maambukizi hayo hayawezi kutibika na dawa aina za 'antibiotics'
Maafisa hao sasa wanamtafuta mpenzi yeyote wa mwanamume huyo, ambaye bado hajulikani, kama njia ya kujaribu kuzuia usambazaji zaidi.
Mwanamume huyo alipatwa na mambukizi hayo mapema mwaka 2018.
Tiba halisi ya ugonjwa huo ni mchanganyiko wa dawa aina ya azithromycin na ceftriaxone lakini zimeshindwa kuutibu ugonjwa huo.
Dkt Gwenda Hughes, wa kituo cha afya cha Uingereza amesema: ''Hii ni mara ya kwanza kwa kesi kama hiyo kudhihirisha kiwango kikubwa cha kutosikia kwa dawa hizo mbili zinazotumika sana za antibiotics.
Majadiliano na Shirika la Afya Duniani(WHO) na kituo cha ulaya kinachodhibiti magonjwa wamekubaliana kwamba kisa hicho ndicho cha kwanza kutokea duniani.

Kisonono ni ugonjwa gani?

Bakteria ya kisononoHaki miliki ya pichaCAVALLINI JAMES/SCIENCE PHOTO LIBRARY
Image captionBakteria ya kisonono
Ugonjwa huu husababishwa na bakteria kwa jina Neisseria gonorrhoeae.
Maambukizi hayo husambazwa na ukosefu wa kinga mtu anapofanya kitengo cha ngono.
Kwa wale walioambukizwa, mwanamume mmoja kati ya10 na zaidi ya robo tatu ya wanawake na mashoga dalili za ugonjwa huo hazibainiki kwa haraka.
Dalili za ugonjwa huo zinajumuisha;
  • Ute mzito wa rangi ya jani au manjano kutoka katika sehemu za siri,
  • Uchungu unapokojoa
  • Uvujaji damu wakati mwengine.
Maambukizi hayo wasipotibiwa yanaweza kusababisha mtu kukosa mtoto, kufura katika sehemu za siri na unaweza kusambazwa kutoka kwa mama hadi kwa mtoto aliyetumboni.
Utafiti wa mwanamume huyo unabaini kwamba 'antibiotic' ya mwisho inaweza kufanya kazi . Kwa hivi sasa anapokea matibabu na madaktari watapata matokea baada ya mwezi mmoja iwapo watafaulu.
Kwa hivi sasa hakuna kesi yoyote iliyoripotiwa -hata mpenzi wake wa Uingereza amegunduliwa lakini uchunguzi bado unaendelea.
Dkt Hudhes aliongeza: ''Tunafuatilia kesi hii ili kuhakikisha kwamba maambukizi hayo yametibiwa vilivyo na mapendekezo mengine na hatari za maambukizi kwa siku zijazo kupunguzwaa.''
Dkt Olwen Williams, rais wa muungano wa Uingereza wa maswala ya afya ya ngono na virusi vya HIV: ''Kutokea kwa maambukizi hao ambayo hayasikii dawa ya kisonono ni jambo la kuzingatiwa na maendeleo makubwa.
''Tunawasiwasi kwamba shida hii inaweza kuongezeka kutokana na upungufu uliofanyiwa bajeti ya afya.
''La kusikitisha kabisa ni kwamba kesi hii imeiwacha huduma ya afya ya ngono katika nafasi ''mbaya'' huku kliniki zikifungwa katika wakati mgumu zaidi.

Huenda ukurasa wako wa kijamii ukachunguzwa iwapo utaomba Visa ya Marekani

Wanawake wawili walipigwa picha wakiangalia simu zao za mkononiHaki miliki ya pichaREUTERS
Image captionIkiwa pendekezo la wizara ya mambo ya nje ya Marekani litaidhinishwa linaweza kuwaathiri watu wapatao milioni 14.7 kwa mwaka
Utawala wa Trump umesema kuwa unataka kuanza kukusanya historia ya mitandao ya kijamii ya karibu kila mtu anayetaka visa ya kuingia Marekani.
Pendekezo hilo , ambalo limetolewa na wizara ya mambo ya nje, litawataka wengi miongoni mwa waombaji wa visa kutoa maelezo yao ya akaunti zaoi za Facebook na Twitter
Watatakiwa kufichua majina ya akaunti zao zote za mitandao ya kijamii waliyotumiwa katika kipindi cha miaka mitano ya nyuma
Takriban watu milioni 14.7 wataathiriwa na pendekezo hilo.
Taarifa hizo zitatumiwa kutambua na kuwachunguza watu wanaoomba viza za uhamiaji pamoja na zisizo za uhamiaji.
Waombaji wa visa pia wataulizwa kuhusu nambari za simu walizotumia katika kipindi cha miaka mitano, barua pepena historia yao ya kusafiri.
Watatakiwa kusema ikiwa hawajawahi kurejeshwa kwa lazima kutoka nchi waliyotembelea kwa lazima , ama ikiwa kuna ndugu yao yeyote aliyewahi kuhusika katika harakati za ugaidi .
Ndani ya jengo la kiwanja cha ndege cha John F. Kennedy International Airport mjini New YorkHaki miliki ya pichaAFP/GETTY IMAGES
Image captionPendekezo hilo litazidisha masaibu kwa wasafiri ambao nchi zao hazina mkataba na marekani wa kuziondolea visa
Pendekezo hili halitawaathiri raia kutoka nchi ambazo Marekani ilizipa hadhi ya kutokuwa na visa - miongoni mwake Uingereza , Canada, France na Ujerumani . Hata hivyo raia kutoka nchi ambazo hazijapewa hadhi hiyo kama India, China na Mexico wanaweza kujipata katika hali ngumu kama wataitembelea Marekani kikazi ama kwa mapumziko.
Chini ya sheria iliyowekwa mwezi Mei mwaka jana, maafisa waliambiwa wachunguze kurasa za mitandao ya kijamii ya watu ikiwa tu wanahisi kufanya hivyo " kwamba taarifa za aina hiyo zinahitajika kuthibitisha utambulisho ama kufanya uchunguzi wa kina zaidi kwa ajili ya usalama wa taifa ", ilisema wizara ya mambo ya nje wakati mmoja.
Pendekezo hilo linakuja baada ya rais Trump kuahidi kutekeleza''uchunguzi mkali'' kwa raia wa kigeni wanaingia Marekani, jambo ambalo alisema lilikuwa ni moja ya mkakati wa kupambana na ugaidi.
"Kuimarisha viwango vya upelelezi mkali kwa waombaji wa visa ni kazi inayotakiwa kufanywa vizuri ili kukabiliana na vitisho vilivyopo," ilieleza taarifa ya wizara ya mambo ya kigeni, iliyonukuliwa nagazeti la New York Times.
"Tayari tunaomba taarifa chache zamuombaji wa visa kama vile historia ya muombaji, taarifa za wanafamilia, na anuani za awali kutoka kwa waombaji wote wa visa.
Kukusanywa kwa taarifa hizi zote kutoka kwa waombaji wa visa kutaimarisha mchakato wetu wa kuwachunguza wahamiaji hawa na kuthibitisha utambulisho wao ."
Wazo hili litatakiwa kuidhinishwa na ofisi ya Utawala na Tna bajeti ya Marekani.
Umma utakuwa na miezi miwili ya kutoa maoni yake juu ya pendekezo hili kabla ya kuchukuliwa kwa uamuzi rasmi wa utekelezwaji wake.
Hata hivyo makundi yanayochunguza uhuru wa raia yamelaani sera hii wakiitaja kuwa ni uingiliaji wa masuala binafsi jambo linaloweza kuathiri uhuru wa kujieleza.
"Watu sasa wataanza kufikiria juu ya ikiwa kile wanachokisema mtandaoni kitachukuliwa ama kueleweka vibaya na afisa wa serikali ," alisema Hina Shamsi kutoka Muungano unaopigania uhuru wa raia nchini Marekani -( American Civil Liberties Union).
" Pia tuna hofu juu ya namna utawala wa mtizamo wa Trump kuhusu maneno yanayofaa ama yasiyofaa '' kuhusiana an shughuli za ugaidi ' kwasababu neneo ugaidi lilikuwa ni la kisiasa na linaweza kutumiwa kuwabaguwa wahamiaji ambao hawajafanya kosa lolote ," alisema .
Mitandao ya kijamii iliyohusishwa na pendekezo hilo ni pamoja na Instagram, LinkedIn, Reddit na YouTube. Hata hivyo gazeti la New York Times linaripoti kuwa mitandao ya nchi za nje kama vile ule wa Uchina wa Weibo na wa Urusi VK pia itajumuishwa..

Duma aingia ndani ya gari la watalii Serengeti, Tanzania



Britton Hayes na mjomba wake, wote kutoka Seattle, Washington, walikuwa safarini kujionea wanyama katika mbuga ya taifa ya Serengeti nchini Tanzania pale duma huyu alipoanza kuwa mtalii ndani ya gari lao.
Mgeni huyo wasiyemtarajia alikaa ndani ya gari hilo kwa dakika 10 katika eneo la Gol Kopjes la mbuga hiyo, kabla ya mwishowe kuondoka kwenda kuwinda swara.
Britton Hayes anasema walikuwa wamemuangazia duma mmoja aliyekuwa ameruka sehemu ya mbele ya gari lao pale mwingine aliporuka na kuingia kupitia sehemu ya nyuma bila wao kumuona.
“Tulianza kugundua duma hao walikuwa wameanza kuvutiwa na gari letu; lakini hatukuwa na muda wa kuondoka au kutoroka kwa sababu hutaki kuwashtua wanyama hao, ukifanya hivyo ndivyo mambo huenda mrama,” Hayes aliambia jarida la Komo News.
“Nilikuwa nimejawa na wasiwasi sana. Lakini wakati wote nilikuwa nauhisi uhai wangu,” anasema.

Mwamuzi kutoka Kenya aliyechaguliwa kusimamia kombe la dunia 2018

Among 99 officials, Fifa has picked 16 officials from AfricaHaki miliki ya pichaGETTY IMAGES
Image captionFifa wamechagua waamuzi sita kutoka barani Afrika kusimamia kombe la dunia 2018
Aden Marwa ni miongoni mwa waamuzi wasaidizi 10 kutoka Afrika watakaosimamia mechi za kombe la dunia.
Mwamuzi huyo mwenye uzoefu wa miaka 7 akifanya kazi na shirika la FIFA,alifanikiwa kuorodheshwa kwenye orodha ya mwisho kwa ajili ya kombe la dunia mwaka 2014 nchini Brazil. Hata hivyo hakufanikiwa kusimamia mechi yeyote.
FIFA imechagua maafisa 6 kutoka barani Afrika kusimamia mechi za kombe la dunia zitakazofanyika nchini Urusi.
Pamoja na hao waamuzi wasaidizi 10 wametoka barani Afrika, kwa ujumla maafisa 99 wamechaguliawa kusimamia michuano hiyo.
Aden Marwa ana uzoefu wa kuwa mwamuzi msaidizi katika michuano ya kombe la dunia la vilabu 2016 nchini Japan.
Alitajwa kuwa mwamuzi msaidizi wa CAF katika shirikisho la kombe la FIFA 2017 na alishiriki pia mwaka 2012,2013, na 2015 kwenye kombe la mataifa ya Afrika pamoja , kombe la dunia la walio chini ya miaka 17 , michuano ya CAF ya chini ya miaka 23 na kombe la dunia la vilabu la FIFA
Aden Marwa ni nani?
  • Ana umri wa miaka 41
  • Ana uzoefu wa miaka saba akifanya kazi na FIFA
  • Ni Mwalimu wa Sekondari anafundisha masomo ya kemia na hesabu
  • Ametokea kaunti ya Migori, iliyo katikati ya Kenya
Maafisa waliochaguliwa kutoka nchi 46 watashiriki katika semina ya wiki mbili ya chama cha mpira cha Italia kwenye mji wa Coverciano mwezi ujao

Waamuzi kutoka Afrika wametoka nchi gani?

  • Algeria - Mehdi Abid Charef
  • Senegal - Malang Diedhiou
  • Gambia - Bakary Papa Gassama
  • Misri - Gehad Grisha
  • Zambia - Janny Sikazwe
  • Ethiopia - Bamlak Tessema Weyesa.
Hamna Mwamuzi kutoka England
Kwa mara ya kwanza michuano hiyo ya majira ya joto hayatakuwa na mwamuzi au mwamuzi msaidizi yeyote kutoka Enlgand
Hili ni pigo kubwa kwa nchi ya England ambao wanachukuliwa kuwa kama waliobuni mchezo huo.
Uamuzi wa FIFA unakuja katikati ya mvutano kati ya Uingereza na Urusi baada ya tukio la kupewa sumu Jasusi wa zamani wa Urusi Sergei Skripal na binti yake, mjini Salisbury, England.

Marufuku za utawala wa Rais Magufuli Tanzania

Rais wa Tanzania John MagufuliHaki miliki ya pichaREUTERS
Image captionRais wa Tanzania John Magufuli
Rais wa Tanzania,John Magufuli ameonekana kuwa ni kiongozi anayetoa maamuzi ya haraka kwa kutoa marufuku ya jambo au kuwaachisha kazi watendaji katika nyadhifa zao.
"Kutumbua majipu" ni neno ambalo limekuwa maarufu katika vinywa vya wengi baada ya kiongozi huyo kuwafukuza kazi watendaji pale ambapo anaona mambo hayaendi sawa.
Mfano hivi karibuni, Rais Magufuli amewaachisha kazi wakurugenzi wawili mkoani Kigoma mara tu baada ya mkaguzi mkuu wa hesabu za serikali kumkabidhi ripoti ambayo ilikuwa na matokeo mabaya katika eneo hilo.
Lakini haya chini ni orodha ya marufuku aliyoyatoa Rais Magufuli yanaoathiri sekta mbali za serikali ya Tanzania tangu aingia madarakani;
Maandamano na mikutano ya Kisiasa
Polisi wamekuwa wakitahadharisha juu ya maandamano mara kwa mara
Image captionPolisi wamekuwa wakitahadharisha juu ya maandamano mara kwa mara
Rais Magufuli amenukuliwa akisema shughuli za siasa ikiwa ni pamoja na maandamano na mikutano ya hadhara isimame hadi uchaguzi ujao mwaka 2020.
Amedai baada ya uchaguzi uliopita, "sasa ni wakati wa kazi tu"
Vyombo vya usalama vimekuwa vikitahadharisha mara kwa mara kuwa hawatasita kumchukulia hatua kali za kisheria mtu yeyote au chama chochote cha siasa kitakachokaidi agizo hilo.
Aidha maafisa hao wamewataka wananchi kuwa makini na wanasiasa wenye lengo la kutaka kuvuruga amani ya nchi na badala yake kuwasihi waendelee kushirikiana katika kujenga Umoja wa taifa la Tanzania.
Hata hivyo, maafisa hao kupitia vyanzo vyao mbalimbali vya habari wamebaini kuwa mikutano hiyo ina lengo la kuwahamasisha wananchi kutotii sheria za nchi.
Shughuli za siasa, ikiwa ni pamoja na kufanya mikutano ya hadhara na maandamano ni haki ya raia kwa mujibu wa katiba ya Tanzania.

Usafirishwaji wa madini nje ya nchi

Rais Magufuli akihesabu makontena yenye mchanga wenye madini alipofanya ziara ya kushtukiza MachiHaki miliki ya pichaIKULU
Image captionRais Magufuli akihesabu makontena yenye mchanga wenye madini alipofanya ziara ya kushtukiza Machi 2017
Mwaka jana, Rais Magufuli alipiga marufuku usafirishwaji wa madini yasiyo chenjuliwa mpaka pale kodi za nyuma ziwe zimelipwa.
Serikali hiyo iliweka mpango wa utaratibu utakaowezesha ujenzi wa kiwanda cha uchenjuaji wa makinikia yaani Smelter, hapa nchini ili kudhibiti upotevu wa mapato na kutengeneza mapato kwa watanzania.

Waliopata mimba shuleni wasirejee shule

watapata ujauzito wakiwa shuleni hawataruhusiwa tena kurudi shuleniHaki miliki ya pichaAFP
Image captionWanafunzi watakaopata ujauzito wakiwa shuleni hawataruhusiwa tena kurudi shuleni
Rais Magufuli alisema kuwa chini ya uongozi wake wanafunzi wa kike ambao watakaopata ujauzito wakiwa shuleni hawataruhusiwa tena kurudi shuleni.
Aidha Magufuli alikumbusha kwamba sheria inasema mwanaume ambaye atapatikana na hatia ya kumpa mimba mtoto wa shule, atafungwa jela miaka 30.
Magufuli aliongeza kwamba mwanaume huyo atapata fursa ya kutumia nguvu alizotumia kumpachika mimba msichana huyo, kufanya kilimo akiwa gerezani.
Nchini Tanzania kuna takriban wasichana 8,000 ambao huacha shule kila mwaka kutokana na kuwa wajawazito, kwa mujibu wa ripoti ya shirika la Human Rights Watch.

Usajili wa meli mpya

Miongoni mwa meli za kigeni zilizosajiliwa TanzaniaHaki miliki ya pichaAFP
Image captionMiongoni mwa meli za kigeni zilizosajiliwa Tanzania
Miongoni mwa mambo ambayo yamepigwa marufuku nchini Tanzania tangu rais Magufuli aingie madarakani ni pamoja na kusitisha usajili wa meli mpya nchini humo 'mpaka itakapotangazwa vinginevyo'.
Kwa mujibu wa taarifa iliyotolewa na mkurugenzi wa mawasiliano ya Rais, Ikulu, Gerson Msigwa, Rais Magufuli aliagiza utoaji wa vibali na usajili usimame hadi hapo uchunguzi kina ufanyike kwa meli zote 470 ambazo zimesajiliwa Tanzania na zinapeperusha bendera ya Tanzania.
Agizo hilo lilikuja baada ya taarifa za kukamatwa kwa meli zilizokuwa zimepakia shehena za dawa za kulevya na silaha huku zikiwa zinapeperusha bendera ya Tanzania.
Mbali na marufuku hizo ambazo zimetolewa na yeye mwenyewe zipo nyingine ambazo zimetajwa wakati wa utawala wake.

Shisha

shishaHaki miliki ya pichaGETTY IMAGES
Image captionshisha
Serikali ya Tanzania imepiga marufuku uvutaji wa shisha nchini humo na kulitaka jeshi la polisi kufanya kila juhudi kutokomeza uraibu huo.
Tanzania
Image captionUvutaji wa shisha ni marufuku Tanzania
Katazo la mkuu wa mkoa wa Dar es Salaam bwana Paulo makonda lilifuatiwa na lile la Waziri mkuu wa Tanzania Kassim Majaliwa ambapo alitoa agizo na kusema uvutaji shisha umekuwa ukichangia katika kudorora kwa maadili miongoni mwa vijana, na kuwapunguzia uwezo wa kiakili na kimwili wa kufanya kazi.

Viroba

Kenya wakiteketeza pombe haramu 2015Haki miliki ya pichaGETTY IMAGES
Image captionKenya wakiteketeza pombe haramu 2015
Mapema mwaka jana,pombe zilizokuwa zinauzwa kwenye mifuko midogo ya plastiki zimepigwa marufuku kuuzwa katika maeneo yeyote nchini humo.