Wednesday, March 7

Watu 10 wa asili ya Afrika walio tajiri zaidi duniani

Dangote anaorodheshwa kuwa mtu tajiri zaidi AfrikaHaki miliki ya pichaAFP
Image captionDangote anaorodheshwa kuwa mtu tajiri zaidi Afrika
Bwanyenye kutoka Nigeria Aliko Dangote ndiye mtu mweusi aliye tajiri zaidi duniani kwa mujibu wa jarida la Forbes.
Kati ya watu 2,043 ambao wameorodheshwa kuwa mabilionea duniani katika orodha ya Forbes yam waka huu, ni watu 10 pekee ambao ni weusi.
Dangote amehifadhi taji la kuwa mtu mweusi tajiri zaidi duniani akiwa na utajiri wa takriban $14.1 bilioni.
Anafuatiwa na Mnigeria mwenzake Mike Adenuga ambaye utajiri wake unakadiriwa kuwa $5.3 bilioni.
Tajiri anayejihusisha na ujenzi ambaye ana uraia wa Saudi Arabia na Ethiopia Mohammed Al-Amoudi ambaye alikuwa na utajiri wa $8.4 bilioni aliondolewa kwenye orodha hiyo mwaka huu baada ya Forbes kuamua kuwaondoa mabilionea kutoka Saudi Arabia kwenye orodha yam waka huu.
Raia wa Zimbabwe aliyewekeza katika sekta ya mawasiliano, na ambaye hutoa pesa nyingi kwa hisani, Strive Masiyiwa, amejiunga na orodha ya watu weusi walio mabilionea.
Ndiye mtu wa kwanza kutoka Zimbabwe kuwa bilionea.
Binti wa aliyekuwa rais wa Angola, Isabel dos Santos, Mmarekani anayejihusisha na vyombo vya habari Oprah Winfrey na tajiri wa mafuta kutoka Nigeria Folorunsho Alakija bado ndio wanawake pekee weusi kwenye orodha ya mabilionea duniani, kwa mujibu wa jarida hilo.
Marekani ndiyo nchi iliyo na mabilionea wengi duniani, ambapo ina mabilionea 585, ikifuatwa na China. Jimbo la California pekee lina mabilionea 144, zaidi kushinda mataifa yote isipokuwa Marekani na China.
Ujerumani ndiyo nchi inayoongoza Ulaya ikiwa na mabilionea 123.
India ina mabilionea 119 nayo Urusi mabilionea 102.
Kuna mabilionea 53 kutoka Uingereza kwa mujibu wa Forbes na idadi hiyo imeshuka kutoka 54 mwaka 2017.
Presentational grey line
1. Aliko Dangote, $14.1 bilioni
Nigeria - Sukari, Saruji na Unga
Aliko Dangote ndiye mtu tajiri zaidi mweusi duniani na mtu tajiri zaidi Afrika.
Alianzisha kampuni ya Dangote Cement nab ado ndiye mwenyekiti wa kampuni hiyo. Dangote Cement inaongoza kwa kutengeneza saruji Afrika.
Dangote anamiliki kampuni pia za sukari, chumvi na za kusaga unga.
Kampuni yake ya Dangote Group inajenga kiwanda cha kusafisha mafuta karibu na Lagos, Nigeria ambacho kitakapomaliza kujengwa mwaka 2019 kinatarajiwa kuwa kikubwa zaidi cha aina yake duniani. Kiwanda hicho kitagharimu $9bn.
Presentational grey line
2. Mike Adenuga, $5.3 bilioni
Nigeria- Mafuta
Utajiri wake umetokana na mafuta, sekta ya mawasiliano, nyumba na ardhi na sekta ya benki. Hufahamika sana na wenzake kama Guru.
Globacom kampuni yake ya mawasiliano ndiyo ya pili kwa ukubwa Nigeria baada ya MTN ambapo ina zaidi ya wateja 30 milioni.
Kampuni yake ya mafuta ya Conoil Producing ni moja ya kampuni za wenyeji wa Afrika zinazoongoza katika kupeleleza na kuzalisha mafuta Nigeria. Adenuga ndiye pia anayeongoza kwa umiliki wa mali Nigeria na Ghana, kama mtu binafsi. Ana hisa katika kampuni ya ujenzi ya Julius Berger.
Presentational grey line
3. Robert Smith, $4.4 bilioni
Marekani- Uwekezaji na Usimamizi wa Mali
Ni mfanyakazi wa zamani wa Goldman Sachs na alianzisha kampuni ya uwekezaji ya Vista Equity Partners yenye makao yake Austin, Texas mwaka 2000. Kufikia sasa, anasimamia uwekezaji wa zaidi ya $30 bilioni na ni miongoni mwa wanaosimamia hazina zilizofanikiwa zaidi duniani. Mwaka 2016, aliahidi kutoka $50 milioni kwa chuo alichosomea, Chuo Kikuu cha Cornell.
Oprah Winfry akitabasamu baada ya hotuba yake katika tuzo za Golden GlobeHaki miliki ya pichaGETTY IMAGES
Image captionOprah Winfry akitabasamu baada ya hotuba yake katika tuzo za Golden Globe
Presentational grey line
4. Oprah Winfrey, $2.7 bilioni
Marekani- Runinga
Alikuwa Mwafrika Mmarekani tajiri zaidi kwa muda lakini kwa sasa Oprah hana taji hilo tena. Alijipatia utajiri mwingi akifanyakazi kwenye runinga. Alianza kuchangia kama mchangiaji maalum kipindi 60 Minutes mwishoni majuzi. Runinga yake ya kulipiwa ya OWN (Oprah Winfrey Network) kwa sasa inatengeneza faina. Anamiliki hisa 10% katika kampuni ya Weight Watchers na hufanyishwa kazi kama balozi wa nembo mbalimbali.
Isabel dos Santos ni binti wa rais wa Angola
Image captionIsabel dos Santos ni binti wa aliyekuwa rais wa Angola
5. Isabel Dos Santos, $2.6 bilioni
Angola - Uwekezaji na Mafuta
Ndiye mwanamke tajiri zaidi Afrika na mambo yalikuwa yakimwendea vyema wka muda mrefu. Babake alikuwa Rais wa nchi hadi alipostaafu mwaka jana naye alikuwa mwenyekiti wa shirika la mafuta la taifa Sonangol. Novemba mwaka jana, Rais mpya João Lourenço alimpokonya uenyekiti huo na anachunguzwa na maafisa wa serikali kuhusiana na ubadhilifu wa fedha. Amekanusha tuhuma hizo.
Isabel dos Santos anamiliki hisa katika Unitel, kampuni ya simu iliyo kubwa zaidi Angola na ana pia hisa katika Banco BIC. Ana hisa katika Galp Energia na Banco BPI. Ndiye mwenyehisa mkuu katika kampuni ya runinga na mawasiliano ya simu Ureno Nos SGPS.
Presentational grey line
6. Patrice Motsepe, $2.5 bilioni
Afrika Kusini - Madini
Patrice Motsepe ni mwanzilishi na Afisa Mkuu Mtendaji wa African Rainbow Minerals kampuni ambayo imewekeza sana katika uchimbani na uuzaji wa madini Afrika Kusini. Ndiye mwanzilishi wa kampuni ya uwekezaji ya African Rainbow Capital ambayo huwekeza katika kampuni za kifedha. Ndiye mmiliki wa klabu ya Mamelodi Sundowns.
Presentational grey line
7. Folorunsho Alakija, $1.7 bilioni
Nigeria - Mafuta
Ndiye mwanamke tajiri zaidi Nigeria na naibu mwenyektii wa kampuni ya upelelezi wa mafuta ya Famfa Oil.
Alakija alianza akiwa katinu katika benki moja Nigeria miaka ya 1970 kisha akaacha kazi na kwenda kusomea mitindo England. Aliporejea, alianzisha kampuni ya mitindo ya kifahari ya ambayo miongoni mwa wengine wateja wake walikuwa Maryam Babangida, mke wa kiongozi wa zamani wa kijeshi Ibrahim Babangida.
Presentational grey line
8. Michael Jordan, $1.65 bilioni
Marekani - Mpira wa kikapu
Ndiye mchezaji aliyefanikiwa zaidi katika mpira wa kikapu na mwenyehsia mkuu katika Charlotte Bobcats.
Ana mikataba ya pesa nyingi na kampuni kama vile Gatorade, Hanes na Upper Deck. Pesa zake nyingi kwa sasa hujipatia kutoka kwa Brand Jordan, ushirikiano wake na Nike katika mavazi ya kimichezo ambao una thamani ya $1 bilioni.
Presentational grey line
9. Strive Masiyiwa, $1.39 bilioni
Zimbabwe-, Mawasiliano
Ndiye bilionea wa kwanza kutoka Zimabbwe na amewekeza zaidi katika mawasiliano.
Masiyiwa, 57, ndiye mwanzilishi wa kampuni ya simu ya Econet Group.
Amewekeza pia katika sekta ya huduma za kifedha, bima, uchumi, nishati mbadala, elimu, kuweka chupa soda za Coca Cola, hoteli na utalii na huduma za malipo ya bidhaa na huduma.
Econet pia humiliki Kwesé TV ambayo imekuwa ikishindana na DSTV Afrika.
Presentational grey line
Mo IbrahimHaki miliki ya pichaAFP/GETTY
Image captionMo Ibrahim
10. Mohammed Ibrahim, $1.18 bilioni
Mwingereza - Mawasiliano ya simu, Uwekezaji
Mo Ibrahim, 71, alipata pesa zake za kwanza nyingi kuptiia kuanzisha kwa kampuni ya mawasiliano ya simu ya Celtel ambaye baadaye aliiuza kwa MTC ya Kuwait kwa $3.4 bilioni mwaka 2005.
Alijizolea $1.4 bilioni. Kwa sasa amewekeza kupitia Satya Capital, kampuni ya uwekezaji yenye makao yake Uingereza lakini huangazia uwekezaji Afrika.
Duniani kwa jumla, anayeongoza orodha ya matajiri wa kupindukia ni mmiliki wa kampuni ya Amazon, Jeff Bezos.
Utajiri wa Bezos umepanda na kufikia $112bn kutoka takriban $39.2bn mwaka jana.
Kuimarika kwa utajiri wa Bw Bezos ndiko kwa juu zaidi katika historia.
Amemuondoa mwanzilishi wa Microsoft Bill Gates kutoka uongozini kwenye orodha hiyo.
Utajiri wa Gates unakadiriwa kuwa $90bn mwaka huu kutoka $86bn, na ndiye anayeshikilia nafasi ya pili.
Bw Gates ameongoza orodha hiyo kwa miaka 18 kati ya miaka 24 iliyopita.
Matajiri

Ujumbe mkongwe zaidi uliohifadhiwa kwenye chupa

mmHaki miliki ya pichaKYMILLMAN.COM
Image captionUjumbe kongwe zaidi
Familia moja nchini Australia umepata ujumbe ambao ni mkongwe zaidi uliokuwa umehifadhiwa katika chupa,
Ni takribani miaka 132 tangu ujumbe uliokuepo kwenye chupa urushwe katika bahari.
kymHaki miliki ya pichaKYMILLMAN.COM
Image captionTonya na mkewe Kym
Chupa hiyo yenye ujumbe iliokotwa na bwana Tonya Illman wakati akiwa anafanya matembezi katika ufukwe wa bahari huko pembezoni,magharibi mwa Australia.
Wakati ameokota chupa hiyo ,Tonya hakujua ni nini kilichoandikwa mpaka alipofika nyumbani kwake na kuioka karatasi hiyo katika jiko la kuokea(Oven).
Image copyrightKYMILLMAN.COMHaki miliki ya pichaIMAGE COPYRIGHTKYMILLMAN.COM
Image captionujumbe ulisokotwa kama sigara
Wataalamu wamethibitisha kuwa ujumbe huo ni wakweli na ulitupwa kutoka meli moja ya Ujerumani.
Ujumbe huo uliokuwa umeandikwa tarehe 12.6.1886, na ilikuwa sehemu ya jaribio ambalo lilifanywa na meli hiyo ya ujerumani ili kubaini njia ambayo meli za taifa hilo zilikuwa zinapita baharini.
Miaka iliyopita kumbukumbu za "Guiness world "zilisema ujumbe ambao uliowahi kutupwa kwa kuhifadhiwa kwenye chupa na kupatikana ulikaa miaka 108.
Hata hivyo mtu huyo alipoliokota ujumbe huo alidhani labda hiyo sio tarehe sahihi ambayo iliandikwa kwa kuwa ilikuwa imefifia sana hivyo ukadhania pia labda ni kweli hivyo aliaua kuupeleka kwa wataalamu makumbusho nchini humo.
huoHaki miliki ya pichaWA MUSEUM
Image captionUjumbe uliokuepo kwenye chupa umefanana na maandishi ya jarida lililoandika mwaka huohuo
Na cha kushangaza walikuta muandiko huo unafanana na jarida ambalo lilitengenezwa na nahodha tarehe hiyo hiyo na mwandiko ukiwa unafanana.

Marekani na China: Ni yupi rafiki wa dhati kwa Afrika?

China ujenzi AfrikaHaki miliki ya pichaAFP
Waziri wa mambo ya nje wa Marekani Rex Tillerson ameshutumu ukuwaji wa kiuchumi wa China barani Afrika wakati akitarajiwa kuanza ziara rasmi katika bara hili hii leo.
Amesema China inahimiza mataifa ya Afrika kuitegemea, na ilitumia rmikataba ya kifisadi na kuhatarisha rasilmali asili za mataifa ya Afrika.
Muda mfupi kabla ya kuondoka kutoka Marekani kwa ziara ya wiki nzima katika nchi ya Chad, Djibouti, Ethiopia Kenya na Nigeria, Tillerson ameahidi msaada wa dola milioni 533 katika ufadhili mpya wa kibinaadamu kwa Somalia, Sudan kusini, Ethiopia, na Chad - kimsingi kugharamia vitu kama chakula, maji na matibabu ya afya.
Amefafanua kuwa maudhui ya ziara yake ni pamoja na kupambana na ugaidi, democrasia, utawala , biashara na uwekezaji.
Baada ya hapo aliishutumu China kwa uwekezaji wake anaoutaja kuwa na uwezo wa kuimarisha miundo mbinu Afrika lakini unoongeza madeni na uliounda nafasi kidogo za ajira.
Rex Tillerson akihotubia katika chuo kikuu cha George Mason huko Virginia muda mfupi kabla ya kuanza ziara yake AfrikaHaki miliki ya pichaAFP
Image captionRex Tillerson akihotubia katika chuo kikuu cha George Mason huko Virginia muda mfupi kabla ya kuanza ziara yake Afrika
Katika miaka 20 iliyopita, biashara kati ya Afrika na China imeshamiri kutokana na hamu kubwa iliyonayo China kwa madini ya bara la Afrika.
Hatahivyo makampuni ya ujenzi ya China yamechangia maendeleo makubwa katika miundo mbinu iliysahaulika kwa muda mrefu, zikiwemo barabara, katika baadhi ya mataifa ya Afrika.

Mafao upande mmoja, makato upande mwingine

Rex Tillerson amesema anataka mataifa mengine yanapaswa kuchangia pia katika usaidizi huo na amepongeza mipango ya biashara ya Marekani na Afrika ambayo anasema imesaidia kushinikiza biashara isiyo ya mafuta.
Lakini wachambuzi wana shaka kuhusu manufaa yatakayo tokana na kunyoosha mkono huku. Wengi wanauliza hatua hii ina maana gani?
Ujumbe mkuu wa Rex Tillerson ni kwamba Marekani tofuati na Uchina ndio rafiki wa dhati kwa bara la Afrika.
Mchimbaji madini AfrikaHaki miliki ya pichaGETTY IMAGES
Msaada aliotangaza kwa mataifa kadhaa ya Afrika yaliotishiwa na baa la njaa bila shaka utakaribishwa, lakini Tillerson anamfanyia kazi rais ambaye mara kwa mara amezungumza kuhusu kupunguza mzigo wa mataifa ya nje kwa Marekani.
Tamko hilo limetolewa katika wakati ambapo kuna uwezekano mkubwa wa kusitishwa ufadhili wa Marekani katika operesheni za kulinda amani na misaada - tena katika wakatiamabpo Jamhuri ya Kidemokrasi ya Congo, Jamhuri ya Afrika ya kati na Sudan kusini miongoni mwa nchi nyingine zimezilemaza operesheni zilizopo za Umoja wa mataifa.
Katika utawala ambao umeng'ang'ana kuidhinisha uwiano katika sera yake ya kigeni , na ambayo inaishi kwa kauli ya Marekani kwanza, itakuwa sio jambo la uhalisi kumtarajia Waziri Tillerson afanye mabadiliko katika uhusiano katiya Marekani na Afrika.

Kiongozi wa wanafunzi Tanzania Abdul Nondo atoweka

Mwanafunzi
Image captionAbdul Nondo alituma ujumbe wa mwisho kusema alikuwa hatarini
Mtandao wa Wanafunzi Tanzania (TSNP) umesema mwenyekiti wake Mahmud Abdul Ormari Nondo hajulikani alipo na kulitaka jeshi la polisi kuhakikisha anapatikana akiwa salama kwa haraka.
Baba mdogo wa kiongozi huyo Mussa Mitumba akiwahutubia wanahabari pia ametoa wito kwa 'mwanawe' kurudishwa akiwa hai aendelee na kutafuta kutimiza ndoto zake.
Kiongozi huyo wa wanafunzi alionekana mara ya mwisho mnamo Jumanne katika afisi za shirika hilo eneo la Sinza, Dar es Salaam alipokuwa akitoa ufafanuzi kuhusu taarifa iliyokuwa imetolewa na shirikisho la vyuo vikuu nchini humo, Tahliso.
Muungano huo unasema baada ya kuondoka afisi hizo, Bw Nondo alielekea chuoni na kuaga kuwa anaondoka kwenda nyumbani Madale.
"Ghafla katika hali ya kutatanisha, kuanzia saa 6 hadi saa 8 usiku alijitoa kwenye makundi yote ya mtandao wa kijamii wa WhatsApp jambo lililozua taharuki miongoni mwa watu wengi na kuanza kutaka kujua nini kimemsibu," muungano huo umesema kupitia taarifa.
"Saa 9.09 usiku alituma ujumbe mfupi kwa Mkurugenzi wa Idara ya Sheria TSNP Paul Kisabo ujumbe uliosomeka 'Am at risk!' [Nimo hatarini]."
Muungano huo umesema juhudi za kuwasiliana naye kwa simu kufikia sasa bado hazijafanikiwa.
Wamesema wamepiga ripoti kwa jeshi la polisi katika kituo cha chuo kikuu cha Dar es Salaam.
Taarifa ya chama hicho cha wanafunzi inasema Bw Nondo amekuwa akipokea vitisho kutoka kwa watu wasiojulikana.
Wakati mmoja, anadaiwa kukamatwa na askari wa jeshi la polisi eneo la Milimani City na kutuhumiwa kwamba "analeta uchochezi wa baadhi ya wanafunzi waliokosa mikopo ya elimu ya juu kuandamana."
"Mara kadhaa kumekwua na makundi ya watu asiowatambua na wenye nguo za kiraia wakijitambulisha kama watu wa usalama ambao wamekuwa wakimfuatilia na kumpa vitisho hivyo," taarifa hiyo inasema.
Muungano huo umesema viongozi mbalimbali wa TSNP wamekuwa wakipokea vitisho tofauti tofauti.
Muungano wa Mashirika ya Kutetea haki za kibinadamu Tanzania (THRDC) pia wametoa wito kwa polisi kufanya uchunguzi na kuhakikisha Bw Nondo anapatikana akiwa salama.
"Kutoweka kwa Abdul huenda kunahusiana na kazi yake katika kutetea haki za kibinadamu," imesema taarifa iliyotolewa na mratibu wa kitaifa wa THRDC Onesmo Olengurumwa.

Visa vya mauaji ya kutoweka kwa watu Tanzania

  • Mauaji ya Kibiti mwaka 2017: Viongozi wa CCM, askari zaidi ya 10 na wananchi karibu 40 katika eneo la Kibiti walishambuliwa na kuuwawa na watu wasiojulikana.
  • 11 Februari, 2018 Kiongozi wa Chadema Daniel John alitekwa na kisha aliuwawa kikatili wakati wa Kampeni za Uchaguzi mdogo wa jimbo la Kinondoni.
  • Mnamo 7 Septemba, 2017, Mnadhimu Mkuu wa upinzani bungeni, mbunge wa Singida Mashariki Tundu Lissu alipigwa risasi na watu wasiojulikana katika eneo la Area D Mkoani Dodoma. Bw Lissu pia ni Rais wa Chama cha Wanasheria Tanganyika.
  • 21 Novemba, 2017 Mwandishi wa habari wa Mwananchi Communications Limited Azory Gwanda alipotea katika mazingira ya kutatanisha na mpaka sasa hajapatikana.
  • Msaidizi wa Mwenyekiti wa Chadema Ben Saanane alipotea katika mazingira ya kutatanisha na mpaka sasa hajulikani alipo.

Mfumo wa kodi wa Jamhuri ya Muungano utazamwe upya


Akina mama wa ukanda wa pwani, bara na visiwani, wanao wimbo unaosikika sana wakati wa harusi.
Kila ukiimbwa wengi hushangilia ijapokuwa ujumbe wake ni wa kusikitisha.
Katika wimbo huu utamsikia mwana mama mmoja analalama kwa kusema “Mama naumia”. Kauli hiyo hufuatiwa kwa wenzake kuitikia
“Pole mwanangu” na wengine hubandika vibwagizo, “Ndio ukubwa au furaha hutanguliwa na karaha”
Kwa mara nyingine niliukumbuka wimbo huu niliousikia tangu mdogo na naendelea kuusikia kila wanapokusanyika akina mama kushangilia kile
wanachokiita bibi kapata bwana, yaani harusi. Kuna kilio kama hiki, lakini ninachoweza kusema ni cha “baba naumia” kinasikika sana siku hizi katika jamii ya Watanzania na hasa wa Visiwani. Anayelalama anaambiwa “Pole raia mwema”.
Kinachowaliza ni mfumo wetu wa kodi ambao unalalamikiwa na kuelezwa kwamba unambinya raia kushoto, kulia na pembeni.
Ukitaka kuelewa kwa kiasi gani hali ni mbaya tumia muda mfupi katika bandari ya Dar es Salaam inapofika boti kutoka Zanzibar.
Hapo mabegi hupekuliwa kama vile paka anafukua ardhi apate kujisaidia. Watu wanatozwa kodi hata wakibeba birika lililotumika la kuchemshia maji ya moto.
Wanaochukua mitumba ya runinga, hata uliotumika kwa muda mrefu, iwe kama zawadi au mtu anahama kikazi, utaona anapigwa bao la kutakiwa alipe
kodi ya shilingi laki mbili au tatu.
Watu hutozwa kodi hata kwa kitanda kilichotumika na wakati mwingine hata godoro na mito nayo hudaiwa kodi.
Ukitaka kujua sheria au mwongozo unaoainisha hayo makadirio, jawabu unalopata ni kama vile umebeba mali ya wizi licha ya kuwa na stakabadhi za kununulia ulichochua.
Siku moja niliamua kuacha pasi niliyotumia kwa miaka sita niliyokwenda nayo Dar es Salaam kumpa binti yangu ambaye pasi yake iliharibika na kuniomba kwa vile nilikuwa na ya ziada nimpelekee.
Tulibishana na huyo mtoza kodi, kijana ambaye sikujua kama ni askari polisi, ofisa wa forodha au Usalama wa Taifa.
Sikumjua kwa vile hakuwa na sare iliyomtambulisha ni mfanyakazi wa kitengo gani.
Hatimaye nilimtaka aichukue yeye kama zawadi ya kuimarisha muungano wetu kwa kuwa sikuona uhalali wa kuilipia kodi ya Sh15,000.
Nilipoiacha, alinifuata kutaka niilipie kodi na niichukue. Nilimwambia sikuwa na kawaida ya kuiba au kukubali kuibiwa mchana kweupe.
Alibembeleza yaishe nilipomwambia ‘kama kweli huu ndio Muungano tunaojivunia ninasikitika sana’.
Aliniruhusu kuondoka na pasi yangu baada ya kuelewa mimi ni kiumbe na sio miongoni mwa waliokuwa tayari kupata haki kwa kulipa kitu kidogo.
Kwa kweli usumbufu anaopata mtu anayesafiri kutoka Zanzibar kifika bandari ya Dar es Salaam ni mkubwa kuliko anayevuka mpaka wa Tanzania kwenda Kenya.
Suala hili limelalamikiwa sana hata ndani ya Bunge la Muungano na katika Baraza la Wawakilishi na siku zote wananchi hupewa ahadi ya kushughulikiwa na kutatuliwa, lakini badala yake usumbufu unazidi kila kukicha na kuzusha hasira juu ya Muungano na hasa mwenendo wa Mamlaka ya Mapato Tanzania (TRA).
Wengi hatukushangaa kusikia Wawakilishi wakitaka ofisi za TRA zilipo Zanzibar zifungwe na watumishi wake wafunge virago kurudi Bara.
Baada ya hapo kila upande uwe na mfumo wake wa ushuru kama vile Bara na Visiwani hazikushirikiana kuunda kitu kinachoitwa Jamhuri ya Muungano wa Tanzania.
Hivi karibuni wakurugenzi wa Bodi ya Mapato Zanzibar (ZRB) waliwataka wafanyabiashara wavumilie matatizo ya kulipa kodi mara mbili kwa vile suala hili linashughulikiwa.
Nilicheka sana baada ya kupitia kumbukumbu zangu na kuona malalamiko haya yamesikika kwa miaka mingi na siku zote jawabu lake ni “pole mwanangu”
na kufuatiwa na ahadi ya kupunguza maumivu.
Sasa watu wamechoka na ahadi za aina hii ambazo ni sawa na zile ambazo kuku humpa kifaranga chake anapotaka kunyonya.
Sijui na sifahamu ni utaalamu wa aina gani hutumiwa na TRA katika mpangilio wake wa kutoza kodi.
Ninachokiona ni vurugu. Mara nyingine utawakuta maofisa watatu au wanne wa TRA wanamuuliza mfanyabiashara masuala wa kiduka kidogo.
Kabla ya huyo jamaa hajajibu maofisa hao humtwanga masuala mengine na hata kupewa vitisho vya duka kufungwa. Ni mateso yasiyoelezeka.
Kichekesho kikubwa nilikipata katika kipindi cha TRA kilichotolewa katika runinga hivi karibuni. Ofisa mmoja mwandamizi alikiri kuwa wamegundua utaratibu wao wa kumtoza kodi ya mapato, mtu anayetaka kupatiwa leseni ya kufanya biashara ya kufungua duka sio sahihi.
Nilitarajia maelezo ziada. Kwanza kueleza nini kiliwafanya wawatoze watu kodi ya mapato hata kabla ya kufungua duka wala kununua bidhaa anazotaka kuuza.
Walichokuwa wakifanya TRA ni sawa na kumnunulia mwanamke nepi ya mtoto wakati hata hajabeba mimba.
Jingine la kiungwana ambao ofisa huyu angefanya, lakini aonekana hakuwa tayari, ni kuwaomba radhi watu waliodhulumiwa kwa kulazimishwa kulipa kodi ya mapato kabla ya mauzo.
Hapana ubishi kwamba malipo ya kodi ni wajibu wa kila mtu lakini inakuwaje hata umtoze mtu kodi ya mapato wakati hakuna kitu alichokiuza au kukipata?
Huwakosea Wazanzibari walipoeleza mfumo huu wa kodi kama ni wizi usiokuwa na mushkeli.
Wakati umefika kwa Serikali za Muungao na Zanzibar kuitafakari hali hii ambayo inapelekea baadhi ya watu kutoa kauli ambazo hazisaidii kuimasha muungano wetu.

Tumwogope Mungu kwa matendo yetu,kila siku kila wakati


Bila kumwogopa Mungu, hatuwezi kupiga hatua kama taifa. Leo hii kilio kikubwa ni Katiba Mpya. Kila mtu anayetaka kujenga hoja ya kisiasa inayoendana na wakati wa sasa, ni lazima ataje katiba.
Ingawa kuna ukweli usiopingika kwamba kuna watu katika taifa letu hawataki kusikia neno Katiba, na hasa kutaja Katiba Mpya; bado asilimia kubwa wanaililia. Hata hivyo, hata tukiwa na katiba nzuri kiasi cha kuihamisha milima, bila kumwogopa Mungu, hatuwezi kufika popote.
Siasa zetu ziwe ni za kumwogopa Mungu. Tuvijenge vyama vyetu vya siasa kwa msingi wa kumwongopa Mungu. Tusiwe na lengo na kubomoa vyama vingine, tuheshimu uhuru wa kila Mtanzania. Ukweli ni kwamba tukimtanguliza Mungu, hatuwezi kujenga uhasama wa kisiasa, bali kila chama kitakuwa kikikamilisha chama kingine.
Usiwe ushindani wa vyama vya siasa, bali ushindani wa hoja na sera, usiwe ushindani wa ubora wa vyama vya siasa bali utekelezwaji wa sera, ubora wa kuheshimu haki za binadamu na kuutukuza na kuulinda uhai.
Mungu, anatuumba ili tumpende na kupendana sisi kwa sisi. Tukimwogopa Mungu, tutajenga ufalme wake hapa duniani. Siasa zetu zijengwe juu ya msingi imara wa kumwogopa, kumpenda na kumtumikia yeye peke yake.
Kuna kilio kikubwa cha kubinywa kwa demokrasia, chama kimoja kuwa na nguvu na upendeleo kuliko vingine. Kutokuwa na Tume huru ya uchaguzi; madai ya aliyeshindwa kutangazwa mshindi na aliyeshinda kutangazwa ameshindwa na Serikali kukibeba chama kimoja na vyombo vyote vya serikali kukitumikia.
Hiki ni kilio kinachosikika mipaka yote ya nchi yetu. Hata kama kilio hiki kingekoma leo, ukawepo usawa wa vyama vyote na demokrasia ikatawala, tukawa na Tume huru ya uchaguzi, bila ya kumwogopa Mungu si kitu si lolote.
Tunaambiwa kwamba kumwongopa Mungu ndiyo mwanzo wa maarifa na mafanikio. Wale wote waliotembea njia hii, wamefanikiwa. Ingawa taifa letu halina dini, watu wake wote wanamwamini Mungu. Tuna dini nyingi katika taifa letu; dini za kigeni na zile za jadi.
Dini zote zinahimiza kumwogopa Mungu, ili maisha yetu hapa duniani yawe ni ya kumtukuza yeye na kuwapenda na kuwajali ndugu zetu. Amani na utulivu katika mataifa ya dunia hii ni matokeo ya kumwogopa Mungu. Wale wanaopuuza ukweli huu, wanashuhudia vita na maangamizi makubwa.
Tumwogope Mungu, kwa matendo yetu mabaya, Tuongope kuwatendea ndugu zetu yale tusiyopenda kutendewa na sisi. Tumwogope tunapopokea sadaka na zaka nzito kutoka mikononi mwa wanasiasa, bila kuuliza wala kuhoji, tumwogope tunapowakumbatia wanasiasa wenye sifa za ufisadi na kuwaalika kuendesha harambee za kujenga misikiti na makanisa.
Tumwogope Mungu, tunaposamehewa kutoa ushuru na badala ya kuwahudumia wanyonge na maskini, tunajitenga na jamii na kuishi maisha kifahari. Tumwogope Mungu, tunapokula na kusaza, wakati wengine wanakufa kwa njaa.
Tumwogope Mungu, tunapoziingilia familia na kuzisambaratisha. Tumwogope Mungu, tunaposema uongo na kuwasingizia watu. Tumwogope pale tunaposhughulikia afya zetu kwenye hospitali nzuri na kuwaacha wanyonge kufa kwa magonjwa yanayotibika. Orodha ni ndefu. Ni lazima kumwogopa Mungu, kwa matendo yetu yote mabaya.
Kwa viongozi wetu wa dini za Kikristu, ujumbe huu unaweza kuwasaidia kutafakari zaidi:
“……. Nendeni katika moto wa milele aliotayarishiwa shetani na malaika wake. Maana nilikuwa na njaa nanyi hamkunipa chakula; nilikuwa na kiu hamkunipa maji; nilikuwa mgeni hamkunikaribisha; nilikuwa mgonjwa na mfungwa nanyi hamkuja kunitazama…… Nawaambieni kweli, kila mlipokataa kumtendea mambo haya mmojawapo wa hawa wadogo, mlikataa kunitendea mimi” ( Matayo 25: 41- 46).
Yesu, aliongelea mambo yanayotendeka kila siku katika jamii, mambo ambayo yanawatenga watu na Mungu wao. Hivyo orodha hii inaweza kurefushwa, “Mlinibagua kufuatana na rangi yangu ya mwili, kabila langu na dini yangu, chama changu, mlininyanyasa, hamkunisikiliza, hamkunionea huruma nilipolala mitaani, hamkunipatia ushauri mzuri mme wangu alipoanza kutembea nje ya ndoa na kuambukizwa na virusi vya Ukimwi, mlinibagua, mlinibaka, kuninyanyasa kijinsia... ”.
Orodha ni ndefu. Hoja ni kwamba ni lazima kumwogopa Mungu, kwa matendo yetu yote mabaya. Tumwogope na kumtanguliza kwa kila kitu, lakini tunatenda kinyume. Ni dhambi kubwa kujitangaza kuwa mikononi mwa Mungu, lakini huku unatenda kinyume, huko si kumwogopa Mungu.
Yule anayewanyanyasa wanawake na kuwanyima nafasi ya uongozi katika na nafasi ya kufanya maamuzi muhimu katika jamii kama vile ndoa na familia, kuzaa watoto wengi au kuzaa kwa mpango, kutoa mimba au kulinda uhai kwa kupoteza uhai (mfano mwanamke mwenye matatizo kwenye kizazi, ambaye kama angetoa mimba, angeponyesha maisha yake), kuhusu malezi nk, ni lazima amwogope Mungu, maana kuwabagua na kuwanyanyasa wanawake ni Kumbagua Mungu mwenyewe.
Tunafundishwa kwamba sote tumeumbwa kwa mfano wa Mungu, na kwamba binadamu wote ni sawa. Bahati nzuri Katiba yetu inakubaliana na kitu hiki na ile Katiba Mpya tunayoililia imenyoosha vizuri zaidi.
Yule anayewabagua watu wa dini nyingine, ni lazima amwogope Mungu, maana sisi sote ni watoto wa Mungu. Tunaambiwa Mungu, alituumba kwa mfano wake, hivyo hatuna ruhusa ya kubaguana. Tukitaka kubaguana, tukumbuke kwamba ni lazima kumwogopa Mungu. Huwezi kumwogopa Mungu, huku unawabagua watu kwa sura zao, rangi zao, kabila zao, vyama vyao au dini zao.
Ukweli unaotuzunguka sasa hivi ni kwamba Waislamu wanajiona wana haki zaidi ya wengine, Wakristo pia wanajiona wana haki zaidi ya wengine. Wakristu wanagawanyika katika madhehebu ambayo kila dhehebu linajiona kuwa na haki zaidi ya mengine; Waislamu vilevile. Dini zinakuwa kikwazo cha ushirikiano, udugu kama vile ndoa nk, wakati mwingine hata viongozi wa Serikali wanachaguliwa si kwa sifa bali kwa kufuata dini zao.
Yule asiyependa majadiliano, ushauri, ushirikishwaji, ni lazima amwogope Mungu, maana Wakristo wanamwamini anayesikiliza, mwenye huruma , upendo na wema.
Yule asiyekuwa upande wa wanyonge na wanaoonewa, ni lazima amwogope Mungu, maana mbali na hukumu inayotajwa na Matayo katika sura ya 25, mstari wa 31 na kuendelea, Yesu, alisisitiza sana kuwajali wanyonge, wanaoonewa na wafungwa:
“Roho wa Bwana yu pamoja nami, kwani ameniteua rasmi niwaletee maskini habari Njema. Amenituma niwatangazie wafungwa kwamba watapata uhuru, vipofu watapata kuona tena; amenituma niwakomboe wanaoonewa, na niutangaze mwaka ambao Mungu atawakomboa watu wake” ( Luka 4:18-19).
Habari njema inakuja kwa maskini, wafungwa na wanaoonewa, si kwa matajiri na wenye madaraka. Ili ujumbe huu uwe na maana, Yesu mwenyewe alijitokeza miongoni mwa maskini na wanaoonewa. Alizaliwa katika umaskini na kukulia katika umaskini. Enzi zake kulikuwa na matajiri wenye majumba ya kifahari, lakini hakuyachagua. Aliishi na maskini. Mitume wake wote walikuwa ni watu maskini. Aliwaponya wagonjwa, waliwafufua wafu na kuwapatia uzima mpya, uzima tele. Maana yake uhai tele ndiyo kusema wito wetu ni wa uhai tele, kuulinda na kuutetea uhai. Wenye njaa aliwashibisha chakula cha mwili na roho, wenye kiu aliwapatia maji ya uzima. Alifanya miujiza mingi bila kudai ujira.
Hivyo yule anayefanya kazi na kudai ujira, ni lazima amwogope Mungu, maana tumepewa bure ni lazima kutoa bure. Kwenda kinyume na hayo ni maasi. Ukitaka ujira ni lazima umwogope Mungu. Ni lazima kumtanguliza Mungu, maana tumepewa bure na tutoe bure.
Ili ujumbe wa viongozi wetu wa dini uwe na maana yoyote ile ni lazima wajiulize wamesimama upande gani? Kuna matajiri na maskini, kuna majumba ya kifahari na kuna vibanda. Viongozi wetu wa dini wanaishi kwenye majumba ya kifahari au wanaishi kwenye vibanda? Wanapanda daladala au magari ya kifahari?
Je, wako upande wa maskini na wanaoonewa au upande wa matajiri na wenye madaraka. Je, wanaponya wagonjwa? Wenye njaa wanawapatia chakula? Wenye kiu wanawapatia maji ya kunywa? Je wanafanya miujiza bila ya kudai ujira?
Viongozi wetu wa dini wanapotukumbusha kumwogopa Mungu, ni bora wao wakatafakari je, wao wanamwogopa Mungu? Je, wao wanashiriki kiasi gani kuchangia hali hii ya watu kuishi bila kumwogopa Mungu. Kwanini watu waamue kuuza haki yao ya kupiga kura? Kwanini watu waamue kumchagua kiongozi si kufuata sifa zake bali wafuate kabila, dini, pesa, pilau na kanga wanazozipata wakati wa kampeni? Je, viongozi wetu wa dini wanachangia kiasi gani katika kuujenga uchumi wetu?
Kama bado kuna dalili za watu kufanya mambo bila kumwogopa Mungu, katika jamii yetu, basi viongozi wetu wa dini hawajafanya kazi yao vizuri. Mafundisho yao yatakuwa yanapeperushwa na upepo, hayajikiti katika jamii. Kutukumbusha ni jambo zuri, lakini pia kutengeneza mifumo ya kubadilisha hali hii mbaya ni jambo muhimu zaidi. Na mifumo hii itafanikiwa tu pale tutakapoanza kumwogopa Mungu.
Mungu, ametuumba ili tusaidiane na kukumbushana wajibu zetu. Mtu, akisimama peke yake anaanguka haraka. Bahati mbaya hatuna mfumo mzuri wa kukutana na kusaidiana. Watu wanaokutana kanisani au msikitini ni wengi kiasi ni vigumu mtu kumkaribia jirani yake na kumsaidia.
Tungekuwa na mpango wa familia chache kukutana, kusali pamoja, kujadiliana na kusaidiana kimawazo, ki- hali na mali, ungekuwa msaada mkubwa. Haya ndio viongozi wetu wa dini wangekuwa wakiyafanyia kazi.